Popular Bible Verses from HECHOS 1

Share

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Jesusasti ukxaruw jupanakar säna: —Janiw jumanakar uka pachanakata, uka uruta yatipxañamax wakt'apktamti. Alaxpachankir Awkikiw taqi kuns munañaparjam lurani.

Jesusax apostolunakapampïskän ukapachaw jupanakar akham iwxt'äna: —Jerusalenat janiw kawkirus sarapxätati, Awkixan arsutap phuqhasiñapkam suyapxam, nayax ukxat niy jumanakar yatiyapxsmawa. Chiqpachansa Juanax umampiw bautisäna, ukampis jumanakax akat mä qawqha ururux Qullan Ajayump bautisataw uñjasipxäta —sasa.

Jesusax jiwatat jaktasinxa, jupa kipkaw jupanakar uñstäna, ukhamat chiqpachapun jaktxatapat uñacht'ayasa. Pusi tunka urun walja kutiw apostolunakapar uñstäna, Diosan qhapaq markapxat parlarakïna.

Ukanak arsusinsti, Jesusax apostolunakapan uñjkataw alaxpachar aptatäxäna, ukatsti mä qinayaw jupar muyuntas jupanakan nayraqatapat chhaqtayawayxäna, janiw mayampsa Jesusar uñjkxapxänti.

Alaxpacha uñtat Jesusar uñch'ukisipkipansti, janq'u isini pani chachaw jupanak thiyan uñstäna. Uka chachanakasti Jesusan apostolunakaparux sänwa: —Galileankir jaqinaka, ¿kunatarak alaxpach uñch'ukisipktasti? Kamisatix jumanak taypit Jesusar alaxpachar aptat uñjapktaxa, ukhamarakiw jupax wasitat jutani —sasa.