Popular Bible Verses from ROMANOS 16

Share

Pisimantawan sonqo tiyakuy Dios, Satanasta chakiykichej urapi saronqa. Señorninchej Jesucristoj khuyakuynin qankunawan kachun.

Hermanos, mañaykichej allinta qhawakunaykichejta, t'aqanachejkunamanta, misk'achejkunamanta ima, imaraykuchus paykunaqa, yachakusqaykichejmanta waj yachachiyta yachachinku. Chaykunamanta t'aqakuychej.

Chay jina runakunaqa, Señorninchej Jesucristota mana kasunkuchu. Paykunaqa kikin wijsasnillankuta kasunku, pisi yuyayniyojkunatataj ch'aukiyanku k'acha palabraswan, misk'i simiwan ima.

Qankunata sinch'ita sayachej Diosta yupaychaychej, evangelionman jina. Jesucristomanta willasqaymantataj wiñaypa wiñaynintinmantapacha pakasqa yachay sut'inchasqay kasqanman jina. Chayqa kunan rikuchisqaña karqa, profetaspa escribisqankupi, wiñaymantapacha Diospa kamachiynin jina. Chay pakasqa yachayqa runasman rejsichisqaña kashan, creenankupaj kasunankupajtaj. Uj k'ata yachayniyoj Diostaj yupaychasqa kachun, Jesucristonejta wiñaypa wiñaynintimpaj. Amén.