Popular Bible Verses from ROMANOS 12

Share

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.

Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa.

Kusiywan kakuychej suyaypi, llakiypi llamp'u sonqowan, Diosmanta mañakuspapuni.

Ama sajra kajwan atipachikuychu, astawanqa sajra kajta allin kajwan atipay.

Hermanos jina, tukuy sonqo munanakuychej, ujkuna ujkunata allimpaj qhawaspa.

Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej.

Atikojtenqa atisqaykichejman jina tukuy runawan allimpi kausakuychej.

Munasqa hermanosníy, ama qankunapura sajramanta sajrallatataj kutichinakuychejchu, manachayqa phiñakuyta saqeychej Diosman. Escribisqa kashan: Noqa kutichisaj, noqa jasut'isaj, nin Señorqa.

Ima ruwanallapipis ama qhellas kaychejchu; k'uchistaj kaychej, tukuy sonqotaj Señorta sirviychej.

Dios khuyakuyninta qowasqanrayku, sapa ujniykichejman niykichej, ama qankuna kikiykichejmanta astawan kasqaykichejta yuyakunaykichejpaj. Manachayqa sapa uj pay kikinmanta maychus kajta yuyachun, Dios sapa ujman fewan qosqanman jina.

Ama pimampis sajramanta sajrallatataj kutichiychejchu, allin kajtapuni ruwaychej tukuy runaj ñaupaqempi.

Uj sonqolla kaychej qankuna ukhupi; ama jatunchakuspa llamp'u sonqo kajkunawan kausakuychej. Amataj qankunaj yuyayniykichejpi yachaysapas kaychejchu.

Chayrayku enemigoyki yarqhachikojtenqa mikhuyta qoriy, ch'akichikojtintaj yakuta jaywariy. Kayta ruwaspaqa nina brasaswan jina p'enqaypi uyanta k'ajarichinki.

Bendiciychej qhatiykachasojkunata. Diosmanta paykunapaj mañapuychej, amataj maldiciychejchu. Kusikuychej kusikojkunawan; waqajkunawantaj waqaychej.

Ajllasqas pisichikojtinku yanapaychej, wasiykichejmantaj paykunata wajyariychej k'acha kayta yachakuspa.

Cuerponchejpeqa ashkha partes tiyan, manataj tukuyninkuchu uj rejllata ruwanku. Ajinallataj noqanchejpis, ashkha kaspa, Cristopi uj cuerpolla kanchej, sapa ujtaj ujkuna ujkunawan cuerpoj partesnin jina kanchej.