Popular Bible Verses from APOCALIPSIS 5

Share

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Sinch'itataj nisharqanku: Wañuchisqa karqa chay Corderoqa jap'inampuni atiyta, qhapaj kayta, yachayta, kallpata, sumaj sutitapis, janaj pacha k'anchayta, yupaychayta ima.

Diosniykupajtaj paykunata reyesta, sacerdotesta ima churarqanki, jallp'a patapi kamachinankupaj.

Tukuy ima ruwasqa kajpata, janaj pachapi, jallp'a patapi, jallp'a urapi, mar qochapi, tukuy ima paykunapi kajkunata ima uyarerqani nejta: Tronopi tiyasqa kajman, Corderomampis yupaychay, allimpaj qhawasqa kay, janaj pachaj k'anchaynin, atiytaj wiñay wiñaypaj kachun.

Kuraj runasmanta ujnintaj niwarqa: Ama waqaychu. Judaj ayllunmanta Leonqa, Davidpa saphin, atiparqa kicharinampaj librota, qanchis sellosnintawan.