Popular Bible Verses from SAN MARCOS 2

Share

Jesustaj, chayta uyarispa, nerqa: Walej kajkunaqa mana jampejta mask'ankuchu; manachayqa onqosqas kajkunalla. Mana cheqan runastachu wajyaj jamuni, astawanqa juchasapasllata.

Chay runaspa feninkuta rikuspataj, tunuyasqa runaman Jesús nerqa: Wawáy, juchasniykeqa pampachasqaña.

Jesús nillarqataj: Samakuna diaqa, runarayku ruwasqa karqa; manataj runaqa samakuna diaraykuchu.

Chaypi, runa k'iskilla kajtintaj, mana ni imaynamanta aterqankuchu Jesusman qayllaykuchiyta. Chayrayku wasej patanta jusk'orqanku, maypichus Jesús kasharqa chaynejman. Chay jusk'u ruwasqankunejtataj, runata uraykucherqanku phullumpi sirisqata.

Yachanaykichejpaj, Runaj Churenqa kay mundopi atiyniyoj, juchasta pampachanampaj; tunuyasqa runamantaj nerqa: Qanta niyki, sayariy, phulluykita oqharispa ripuy wasiykiman.

Ima ninaytaj aswan allin kanman onqosqaman; juchasniyki pampachasqasña ninaychu; chayrí, jatariy, phulluykita oqharispa ripuy ninaychu?

Tukuy qhawashajtinkutaj, onqosqa runaqa ujllata jatarerqa, phullunta oqharispataj riporqa. Chayta rikuspataj tukuy runas manchayta t'ukorqanku, Diosta yupaychaspataj nisharqanku: Mana jayk'ajpis jinataqa rikojchu kanchej, nispa.