Popular Bible Verses from SAN MATEO 7

Share

Mañakuychej, qosqaykichejtaj; mask'aychej, tarinkichejtaj; punkuta takaychej, kicharisonqachejtaj.

Mañakojqa jap'in; mask'ajpis tarin; punkuta takajmampis kicharinku.

Pillapis kay nisqasniyta uyarispa ruwan chayqa; sumaj yuyayniyoj, chhanka patapi wasichakoj runaman rijch'akun.

Chayrayku, imatachus mañankichej runas qankunapaj ruwanankuta chayqa; ajinallatataj qankunapis paykunapaj ruwaychej; imaraykuchus kayta leyqa kamachin, profetaspis.

Punkoqa k'ullkumin; k'ullkullataj kausayman pusaj ñampis. Pisistaj kanku chayta tarejkunaqa.

K'ullku punkunejta yaykuychej, imaraykuchus anchomin punkoqa, jatuntaj chinkayman pusaj ñampis; chaynejta yaykojkunarí ashkhas kanku.

Sichus qankuna sajra runas kaspa, allin imasta wawasniykichejman qoyta yachankichej chayqa; imaraykutaj mana janaj pachapi kashaj Tataykichej aswan allin imastaraj qonmanchu, paymanta mañakojkunaman?

Ama wajkunata juchachaychejchu, qankunapis ama juchachasqas kanaykichejpaj. Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej.

Pichá kay nisqasniyta uyarin, manataj kasunchu chayqa, mana yuyayniyoj, t'iyu patapi wasichakoj runaman rijch'akun.

Imaraykutaj wauqeykej ñawimpi q'opitata qhawanki, qampa ñawiykipitaj kurkuta mana rikukunkichu? Chayrí, imaynatataj wauqeykita niyta atiwaj: Saqeway ñawiykimanta q'opitata orqhojta, qampa ñawiykipitaj kurku kashajtin?

Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku. Ruwasqasninkunejta paykunata rejsinkichej. Khishkasmantachu uvasta pallanku; chayrí khishka qhorasmantachu higostapis pallanku?

Ajinata, allin sach'aqa, sumaj poqoykunata qon; mana walej sach'arí, manallataj allin poqoykunatachu qon.

Sumaj sach'aqa, mana atinchu apayta mana walej poqoykunataqa, nillataj mana allin sach'apis, allin poqoykunata apayta atinchu.

Ima sach'allapis, mana walejta poqojtenqa k'utusqa, ninamantaj kanasqa.