Popular Bible Verses from SAN MATEO 5

Share

Nillataj pipis k'anchayta jap'ichinchu wich'iwan k'umpuykunampaj. Pillapis k'anchayta jap'ichispaqa pataman churan, wasipi tukuy kajkunata k'anchanampaj. Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

Qankunaqa mundopaj k'anchay kankichej. Orqo patapi ruwasqa llajtaqa, mana pakasqa kayta atinchu.

Kusikuyniyoj kanku llimphu sonqoyojkunaqa, imaraykuchus paykunaqa Diosta rikonqanku.

Kusikuyniyoj kanku cheqan kausaymanta yarqhachikojkunaqa, ch'ankichikojkunapis, imaraykuchus paykuna sajsachisqas kanqanku.

Noqataj niykichej: Enemigosniykichejta munakuychej; [maldicisojkunaman allinta kutichiychej; chejnisojkunapaj allin kajta ruwapuychej; rimasojkunapaj,] qhatiykachasojkunapaj ima Diosmanta mañapuychej.

Kusikuyniyoj kanku wajcha sonqoyojkunaqa, imaraykuchus paykunajta janaj pacha reinoqa.

Kusikuyniyoj kanku allinyachejkunaqa, imaraykuchus paykunaqa Diospa wawasnin kanqanku.

Kusikuyniyoj kanku waqajkunaqa, imaraykuchus paykunataqa Dios sonqochanqa.

Kusikuyniyoj kanku cheqan kausayrayku ñak'arejkunaqa imaraykuchus janaj pacha reinoqa paykunajta kanqa.

Kusikuyniyoj kanku khuyakojkunapis, imaraykuchus paykunaqa khuyakuyta tarenqanku.

Kusikuyniyoj kankichej runakuna noqarayku qankunapaj rimajtinku, chejnispa ñak'arichisojtinku, tukuy imatataj llullakuspa contraykichejpi nejtinku ima. Kusikuychej jatun kusiywan, imaraykuchus jatunmin janaj pachapi t'inkaykichejqa. Ajinallatataj qankunamanta ñaupajta jamoj profetastapis, chejnispa ñak'aricherqanku.

Kusikuyniyoj kanku llamp'u sonqoyojkunaqa, imaraykuchus paykuna jallp'ata chayaqenkupaj jap'enqanku.

Qankunaqa mundopaj kachi jina kankichej. Kachichus laqayanman chayqa, imawantaj kachichakonqari? Mana imapaj walejñachu; manachayqa jawaman wijch'unallapajña, runa sarunampajtaj.

Imaynatachus janaj pachapi kashaj Tataykichej cabal, ajinallatataj qankunapis cabal kaychej.

Chayrayku parlayniykichejqa kay jina kachun: Arí, arí, nispa; chayrí, mana, mana, nispa. Kaymanta astawanqa sajramanta jamun.

Ñaupajta uyarerqankichej: Ñawimanta ñawi, kirumanta kiru, nisqa kasqanta. Noqataj niykichej: Sajra runamanqa ama kutichikuychejchu; pillapis paña uyaykipi laq'asojtenqa, lloq'e uyaykitawan kutirichiy.

Chayrayku paña ñawiyki juchaman urmachinayasojtenqa, sik'ispa wijch'uy; imaraykuchus aswan allin kanqa uj ñawillayki chinkanan, tukuy ukhuyki nina larwayman enqhasqa kananmantaqa. Ajinallatataj paña makiyki juchaman urmachinayasojtenqa, khuchuspa wijch'uy. Aswan allin kanqa uj makillayki chinkanan, tukuy ukhuyki nina larwayman wijch'usqa kananmantaqa.