Popular Bible Verses from SAN MATEO 19

Share

Jesustaj paykunata qhawarispa, nerqa: Runaspajqa mana kayqa atikunchu, Diospajrí tukuy ima atikun.

Ajinapeqa manaña iskaychu, ujllaña kanku. Chayrayku, Diospa tantasqanta ama runaqa t'aqachunchu.

Paytaj kuticherqa: Manachu Diospa palabrampi leerqankichej, pichus kay pachata ruwajqa qallariypi qharita warmitawan ruwasqanta? Chayrayku qhareqa, tatanta, mamanta saqespa warminwan kausakaponqa. Iskayninkutaj uj aychallaña kanqanku.

Jesustaj paykunaman nerqa: Saqeychej wawasta noqaman jamunankuta, ama jark'aychejchu. Janaj pacha reinoqa paykuna jina kajkunapaj.

Ñaupajpi kajkunataj qhepapi rikhurenqanku; qhepapi kajkunataj ñaupajpi kanqanku.

Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa.

Jesustaj payman nerqa: Sichus cabal kayta munanki chayqa; riy, tukuy kapususqanta vendemuy, chay qolqetataj pisichikojkunaman qopuy. Ajinamanta kapuyniykeqa janaj pachapi waqaychasqa kanqa. Jamuspataj noqata qhatiway.

Paytaj kuticherqa: Imaraykutaj sumaj kajmanta tapuwankiri? Mana waj sumaj kanchu, Dioslla sumajqa. Wiñay kausayniyoj kaytachus munanki chayqa, kamachisqasniyta junt'ay.

Ujtawan niykichej: Uj camelloraj yarwej ningrinta yaykuyta atinman, uj qhapaj runa Diospa reinonman yaykunanmantaqa.

Chayrayku niykichej: Pillapis warminta wijch'un mana pay qhenchachakojtillan, waj warmiwantaj casaran chayqa, qhenchachakun. [Jinallataj wijch'usqa warmiwan casarajpis qhenchachakullantaj.]

Chantataj Jesusqa yachachisqasninman nerqa: Cheqamanta niykichej, qhapaj runaqa ñak'ayllata janaj pacha reinoman yaykonqa.