Popular Bible Verses from 2 PEDRO 2

Share

Ajinata Señorqa, misk'aymanta jark'ayta yachan, payta yupaychajkunata, juchasapastataj qhepachin juicio p'unchaypi jasut'isqas kanankupaj.

Paykunapajqa aswan allin kanman karqa cheqan ñanta mana rejsinankoqa; chayta rejsispaña Diospa qosqan llimphu kamachinmanta qhepaman kutiripunankumantaqa. Cheqamanta paykunapeqa runakunaj nisqanku allinta junt'akun: Alqoqa ajtusqanta mikhuykakapullantaj; mayllasqa khuchipis watejmanta t'urupi sunt'in.

Kacharisqas kankichej ninku, paykunataj millay kausaypa kamachisnin kanku. Atipachikojqa, atipajpata kamachin kapun.

Cheqamanta, pikunachus Salvaj Señor Jesucristota rejsispa, kay pachapi millay kausaymanta ayqespaña, watejmanta chay juchasman kutiykuspa urman chayqa, paykunaj qhepa kausaynenqa, aswan mana allin ñaupaj kausayninmanta nisqaqa kanqa.

Kallarqataj llulla profetas israelitas ukhupi. ajinallatataj qankuna ukhupipis kanqanku llulla yachachejkuna. Paykuna pakayllamanta, chinkayman apaj yachachiykunata apaykamonqanku. Paykunata salvaj Señortapis qhesachanqanku. Chayrayku, ujllata paykunaj patanman chinkachej jatun jasut'i chayamonqa.