Popular Bible Verses from 2 CORINTIOS 4

Share

Mana noqaykojqa qhawaykuchu imaschus rikukun chaykunataqa, astawanqa mana rikukojkunata qhawayku. Rikukojkunaqa mana unaypajchu, mana rikukojkunataj wiñaypaj.

Chayrayku mana llauch'iyaykuchu, astawanqa kay cuerpoyku mauk'ayashan, ukhuykupitaj espirituyku sapa p'unchay mosojyashan. Kunanqa pisilla ñak'areyqa. Kay kausayniykutaj usqhayta tukukun. Chay ñak'ariytaj apamuwayku wiñay kusiyta, astawan jatunta, ashkhatataj.

Imaymana uma nanayniyoj kayku, manataj llakisqaschu. Chay tukuywampis phutiywan mana atipachikuykuchu. Qhatiykachasqas kayku, manataj saqerparisqaschu. Urmachisqas kayku, manataj chinkachisqaschu; cuerpoykupi tukuynejta apaspapuni Jesuspa wañuyninta, noqaykoj cuerpollaykupitaj Jesuspa kausaynin rikuchisqa kanampaj.

Chaywampis, tiyapuwayku qhapaj kayniyku t'uru vasospi jallch'asqa, jatun atiy rikusqa kanampaj Diosmanta jamusqanta, manataj noqaykumantachu.

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.