Ndimi chitarisiro changu TENZI,
wandinovimba naye
kubvira pauduku hwangu TENZI.

Ivai kwandiri bako rokupotera,
nhare yakasimba yokundinunura
nokuti ndimi dombo rangu nenhare yangu.

Ndicharamba ndichingotarisira
uye ndichakurumbidzai kakawanda.

Ndinopotera kwamuri TENZI
musaite kuti ndinyadziswe.

Kukurumbidzai hakuchabvi pamuromo pangu
uye ndichaswera muswere wose
ndichikupai mbiri.

Muromo wangu uchataura
nezvamabasa enyu akarurama
uye zuva rose nezvokununura kwenyu
nokuti handikwanisi kuzviverenga.

Popular Bible Verses from Nziyo 71

Free Reading Plans and Devotionals related to Nziyo 71