Popular Bible Verses from Ɛ̍sɔ̍dɔ̍ɔ̄ 5

Share

O̍ ko̍ŋ kɔ̍ɔ̍lī, mi̍ Mūu̍sē nda̍ E̍lɔ̄ŋ a̍ ku̍ā nāa̍ Māsā bɛ̍ndōo̍ I̍chi̍pī chu̍a̍. Ma̍ kɔ̍ di̍mūl ndu̍ āā, “Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ I̍sɔ̄lūɛ̍i̍ya̍, ndu̍ ve᷅m na̍a̍ nāa̍ nūm chu̍a̍ ni̍. O̍ dīmi̍ māā nūm ma̍l wa̍nāā ndūa̍a̍ I̍sɔ̄lūɛ̍i̍ya̍, mā kūɛ̄ o̍ lɛ̄ŋndē po̍lte̍ŋ ni᷄ŋ, mā kɔ̄ bi̍ī bɔ̄ŋa᷅ŋ bɛ̄ndōo̍ le̍ ndu̍ bɛ̄ɛ̄le̍ŋ kīo̍o̍.”

Kāni̍ ni᷅ŋ mi̍ hu̍ŋ do̍o̍nu᷄ŋ ma̍sā bɛ̍ndōo̍ I̍chi̍pī ko̍na̍ a̍ sūɛ̍i̍ he̍ī o̍kɔ̄ɔ̄, dɛ̍nɛ̍ pa̍lāa̍ tu̍ŋ nda̍ chō ni᷅ŋ wānāā nūmnda̍ tūsīo̍o̍ chōo̍ ni̍. Ndu̍yɛ̍, nyɛ̄ o̍ nyɛ̄ a̍ to̍sa̍ wɔ̍ o̍ sūɛ̍i̍ he̍ī ni᷅ŋ le̍ nda̍ bāŋā le̍.”

Mɛ̄ɛ̍ Mūu̍sē tu̍e̍ī mɔ̍nɔ̍ŋ wāŋnda̍ I̍sɔ̄lūɛ̄ī a̍ wa̍ sūɛ̍i̍ yo̍ŋ, mbo̍ kūā mbo̍ kɔ̍ pi̍ɛ̍ī Mɛ̄lɛ̄ka̍. Mbo̍ dīmī āā, “O̍o̍ Mɛ̄lɛ̄ka̍ Ya̍a̍wɛ̄ɛ̄, vɛ᷅ ma̍ chɛ̄l, ma̍ wā wānāā nūmnda̍ dɛ̍nɛ̍ pa̍lāā wāā nu̍a̍ā tūsīo̍o̍ chōo̍? Bāā, le̍ mī wānāā nūmnda̍ ā hu᷄ŋ sɔ̍lā nyɛ̄ pālāa̍ ŋ̄ vēm ya̍ vīōmɔ̄ɔ̍ ho̍ō ni̍?

Mi̍ māsā bɛ̍ndōo̍ I̍chi̍pī o̍ nyu̍nā nda̍ āā, “Ō nɛ̄ɛ̍nɛ̍ cho̍ yɛ̄ Mɛ̄lɛ̄ka̍ Ya̍a̍wɛ̄ɛ̄? Mɛ̄lɛ̄ka̍ Ya̍a̍wɛ̄ɛ̄ kūɛ̍ɛ̍nɛ̍ cho̍ yɛ̍ Mɛ̄lɛ̄ka̍ ko̍ŋ, mbō dīmu̍l la̍ māā ya̍ I̍ ma̍l wāŋnda̍ I̍sɔ̄lūɛ̍i̍ mī ya᷄ŋ ndu̍ nīla̍ŋ? I̍ si̍nā wa᷅na̍ cho̍ Mɛ̄lɛ̄ka̍ Ya̍a̍wɛ̄ɛ̄ ko̍ŋ ndo̍ le̍. Ndu̍yɛ̍, I̍ me̍l I̍sɔ̄lūɛ̍i̍ya̍ mā kūɛ̄ le̍.”

Ndu̍yɛ̍ kpi̍līki᷅ŋ cho̍ nda̍ kūēē le̍ lɔ̄ɔ̍ lēpāa̍ o̍ lēpāa̍ wo̍ŋ, ī pīlɛ̍ bɛ̍ɛ̍ ī lo᷅ le̍ lɔ̄ɔ̍ le̍. Ā nɔ̄ mā chīŋa̍ mu̍ŋ sɔ̍dɔ̍. Le̍ mɛ̄ɛ̍ nda̍ chō wānāā sīɛ̄lɛ̍i̍ yɛ̍, nyɛ̄ kōŋ nda̍ chō ya̍ nyūnāa̍ ni̍, māā ya̍ I̍ ma̍l nda̍ mā kɔ̍ so̍lī sa̍lāla̍ŋ o̍ Mɛ̄lɛ̄ka̍ ndāa̍ lo̍. Le̍la̍ŋ, lā wa̍ ni᷅ŋ nda̍ kīndīlāa̍ a̍ wa̍llo̍ mbō hīōū māā pāāndū. Tē lā wa̍ ni᷅ŋ nda̍ kīndɔ̄ɔ̍ pɛ̍, mā nɔ̍ lɛ̍ fo̍ndā o̍ fo̍ndā nda̍ pɛ̄ŋgī le̍, ā nɔ̍lā lɛ̍ mā ya᷄ŋ nīla̍ŋ o̍ chōōlā fo̍ndōlā nda̍ chō nda̍ la̍ŋ di̍mūllo̍ la̍ŋ te̍.”