Popular Bible Verses from Ɛ̍sɔ̍dɔ̍ɔ̄ 31

Share

“I̍ hɛ̍li̍ Bɛ̄sa̍lɛ̄ɛ̄, po̍ Yu̍lūī yo̍, ndu̍ yɔ̍nūŋ māā, po̍ ma̍ma̍ Hɔ̍ɔ̄ wo̍ ni̍, fūlāa̍ o̍ yu̍ŋgu̍ Chu̍dā wo̍ chōo̍. I̍ to̍sa̍ mi̍ Nyi̍nā Mɛ̄lɛ̄ka̍a̍ ō tūāl ndu̍ kɔ̄ɔ̄lī. Ndu̍yɛ̍, mi̍ I̍ ke᷅ ndu̍ tāāsi̍o̍o̍, a̍ kɔ̄l kālo̍o̍, a̍ sīnā pɛ̄ŋgo̍o̍ le̍ mbō nɔ̄la̍ mbō tōsa̍ wa̍li̍ o̍ wa̍li̍ cho̍ wa̍li̍ to̍o̍sīāā nyɛ̄ a̍ lābā. Ō nɔ̄lā mbō tūūli̍a̍a̍ nyɛ̄m kɛ̄ndɛ̄ kɛ̍ndɔ᷄ŋ a̍ ko̍o̍līi̍ye̍, a̍ ka̍ni̍i̍ hu̍mbūe̍i̍, ndu̍yɛ̍ a̍ būlɔ̍ŋsīi̍ye̍. Ō nɔ̄ tāāsi̍o̍o̍ le̍ pōūtā ba̍ā kālāla̍ŋ bɛ̄ɛ̄ndīa̍a̍ mɛ̄ɛ̍ la̍ nɔ̍ le̍ wāa̍ yɛ̍, ndu̍yɛ̍ mbō yɛ̄ɛ̄mbu̍u̍ la̍ŋ nyɛ̄ kɛ̄ndɛ̄ kpɛ̍ kpɛ̍. O̍ ko̍ŋ kɔ̍ɔ̍lī, mbo̍ nɔ̄ tāāsi̍o̍o̍ le̍ nyɔ̄ɔ̍ŋ tūūlīa̍a̍ a̍ yɔ̄mnde̍. Wa̍li̍ o̍ wa̍li̍ cho̍ wa̍li̍ cha̍ā nyɛ̄ a̍ lābā ō nɔ̄ tāāsi̍o̍o̍ le̍ mbō tōsa̍ ndu̍.

“Di̍mu̍l wa᷅ŋnda̍ I̍sɔ̄lūɛ̄ī māā, nyɛ̄ ya̍ Mɛ̄lɛ̄ka̍ dīmi̍ wo̍ cho̍ ho̍ō ni̍. Lā nɔ̄ mī lā chūa̍ pāa̍le̍ŋ nde᷅ŋ māā pāa̍le̍ pɛ̍ŋgīāā, ndu̍yɛ̍, mī lā kɛ̄si̍ le̍ŋ lēbɛ̄ɛ̄. Ndu̍yɛ̍, chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, pāa̍le̍ŋ nde᷅ŋ lē chō māchūāā māā tāāmāsi̍ na̍a̍ tɛ̄ɛ̄ŋ na̍a̍ nya̍ā, le̍ nya̍ chɔ̄mndo̍ māā ya̍ Mɛ̄lɛ̄ka̍ Ya̍a̍wɛ̄ɛ̄ ya̍ si̍i̍ŋgu̍u̍ nya̍ wānāā nīa̍a̍ kāsī ni̍.

Chɔ̍ŋ a̍ hāū mbō kūɛ̄ a̍ lāchī kɛ᷅, pāa̍le̍ŋ nde᷅ŋ lē chō māchūāā māā nyɛ̄ lōōna᷄ŋ na̍a̍ tɛ̄ɛ̄ŋ na̍a̍ wāŋnda̍ I̍sɔ̄lūɛ̄ī le̍ fɛ̍ɛ̍ŋ a̍ fɛ̍ɛ̍ŋ, le̍ chɔ̄mndo̍ māā bōōndi̍i̍ ya̍ Mɛ̄lɛ̄ka̍ Ya̍a̍wɛ̄ɛ̄ to̍o̍si̍a̍a̍ ɛ̄chɛ̍nɛ̄ a̍ chi̍e̍ēŋndo̍ ve̍, I̍ to̍sa̍ wa̍llo̍ pālɛ̍i̍ ī ŋɔ᷄mpu᷅m, o̍ ŋɔ᷄mmɛ̍ū wo̍ mi̍ pɛ̍ŋgī.”