Popular Bible Verses from Ɛ̍sɔ̍dɔ̍ɔ̄ 3

Share

Mi̍ Mɛ̄lɛ̄ka̍ lō o̍ ko̍ŋ mbo̍ dīmūl ndu̍ āā, “Di̍mu̍l nda̍ māā dīōlā nīla̍ŋ āā, ‘Ya̍ cho̍ ya̍ ni̍.’ Tē ā kūɛ̄ nāa̍ wāŋnda̍ I̍sɔ̄lūɛ̄ī chu̍a̍ pɛ̍, di̍mu̍l nda̍ āā, ‘Ya̍ cho̍ ya̍ ni̍, ve᷅m ya̍ nāa̍ nya̍ chūā ni̍.’

Mi̍ Mɛ̄lɛ̄ka̍ dīmūl ndu̍ āā, “I̍ cho̍ wa̍ lātūlu̍ a̍ nūm. I̍ cho̍ nūm tāāmāsi̍o̍o̍ chɔ̄m, o̍ cho̍ nūm chɔ̄m māā ya̍ kpe̍e̍kpe̍i̍ ve᷅m nu̍m ni̍ wo̍. Wāŋnda̍ ha̍ā sōlī ŋ̄ chō nda̍ lākɔ̄ mā hi᷄ŋ a̍ nda̍ wo̍, nūm ni̍, nda̍ ni̍, o̍ pēmbēi̍ he̍ī nya̍ chō ya̍ hūnɔ̄ɔ̄ sōōlūū ni̍.”

O̍ ko̍ŋ, mi̍ Mɛ̄lɛ̄ka̍ dīmūl ndu̍ āā, “Mɛ̍ɛ̍lu̍ tɛ̍ɛ̄ŋ ndo̍ŋ ki̍nɛ̍i̍. Sɔ̍ɔ̍ŋgūū o̍ yɔ̄m kōŋ īkɛ̄i̍ le̍. So̍li̍ kɔ̄vɛ̄i̍la̍ cho̍ nūm o̍ ŋ̄pēlū la̍ŋ, kāni̍ fo̍ndōle̍, lɛ̄ŋndē ŋ̄ si᷄m nde̍ŋ chōo̍ le̍ŋ, lɛ̄ŋndē kāsīle̍ŋ le̍ cho̍ ni̍.

O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl ndu̍ āā, “Mūu̍sē, I̍ che᷅ dɛ̍nɛ̍ pa̍lāa̍ wāŋnda̍ I̍chi̍pī a̍ cho̍ wānāā nīa̍a̍ tūsīo̍o̍ chōo̍ o̍ lɛ̄ŋndē I̍chi̍pīle̍ŋ ni᷄ŋ ndo̍. Ndu̍yɛ̍, lēpīɛ̄ī o̍ lēpīɛ̄ī nda̍ chō le̍ nda̍ mālāa̍ mī ba̍ŋa̍ nda̍ o̍ chɛ̄lē nda̍ chō ni᷄ŋ nde̍ŋ, I̍ tu̍e̍ī kpo̍u̍. Sāŋgā o̍ sāŋgā nda̍ chō wāŋnda̍ I̍chi̍pī o̍ bā bɛ̄ŋgu̍, sāŋgā kōŋ bɛ̍ɛ̍ I̍ che᷅ ndu̍. Le̍la̍ŋ, I̍ hi᷅ŋ le̍ mī ba̍ŋa̍ nda̍ wāŋnda̍ I̍chi̍pī o̍ bā. I̍ cho̍ nda̍ sōlī o̍ lɛ̄ŋndē I̍chi̍pīle̍ŋ ni᷄ŋ, mī ku̍ɛ̄ a̍ nda̍ o̍ lɛ̄ŋndē kɛ̄ndɛ̄lē bɛ̄ndūle̍ŋ ni᷄ŋ. Lɛ̄ŋnde̍ cho̍ lē pīāā a̍ nyɛ̄m kɛ̄ndɔ᷄ŋ, ndu̍yɛ̍ mi̍ lē nɔ̄ fo̍ndāŋndā kɛ̄ndɛ̄lā tɔ̄lɔ̄ɔ̄la̍ŋ lā nāŋ nda̍ŋ nde̍ŋ, le̍ŋ le̍ yɔ̍nūŋ ni̍ māā lɛ̄ŋndē Ke̍na̍na̍i̍tīi̍ya̍, a̍ Hi̍ta̍i̍tīi̍ya̍, a̍ A̍mɔ̍lu̍a̍i̍tīi̍ya̍, a̍ Pɛ̍lu̍i̍sa̍i̍tīi̍ya̍, a̍ Hi̍va̍i̍tīi̍ya̍, a̍ Chɛ̄būsa̍i̍tīi̍ya̍.

O̍ ko̍ŋ, mi̍ ki̍i̍la̍nɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ ō chɔ̄mnu᷄ŋ ndu̍ o̍ lēyīŋ o̍ yɔ̄m pūīyāa̍ pɔ̄mbɔ̄ɔ̍ chōo̍. Mi̍ Mūu̍sē cha᷅ yīŋnde̍ŋ sānde̍i̍ o̍ yɔ̄mndo̍ ho̍ō tɛ̄ɛ̄ŋ. Yīŋnde̍ŋ lē wa̍ sānde̍i̍, kɛ̍ yɔ̄mndo̍ ve̍ ŋɔ᷅ le̍.

Le̍la̍ŋ, I̍ cho̍ nūm vīōmɔ̄ɔ̄ I̍chi̍pī nāa̍ māsā bɛ̍ndōo̍ I̍chi̍pī chūā le̍ mā kɔ̍ so̍lī wānāā nīa̍a̍ o̍ lɛ̄ŋndē I̍chi̍pīle̍ŋ ni᷄ŋ, nda̍ yɔ̍nūŋ māā I̍sɔ̄lūɛ̍i̍ya̍ ni̍.”