Popular Bible Verses from Ɛ̍sɔ̍dɔ̍ɔ̄ 11

Share

Lɔ̍ɔ̍ pa̍ mi̍ Mūu̍sē o̍ ku̍ā nāa̍ māsā bɛ̍ndōo̍ chu̍a̍, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Kpūndɔ̍ɔ̍ ō pīlɛ̍ kpe̍ ya̍ I̍ cho̍ ni᷅ŋ māsā bɛ̄ndōo̍ a̍ wāŋnda̍ I̍chi̍pī tūsī chōo̍ ni̍. Tē ko̍ŋ hi̍o̍ū ni᷅ŋ pɛ̍, ō chō nya̍ mālɔ̄ɔ̄ mī lā kūɛ̄. Ndu̍yɛ̍, tōūwɔ̄ɔ̍ kpe̍e̍kpe̍i̍ o̍ tu̍a̍ū ni̍ŋ nya̍ ni̍, le̍ mī lā fūla̍ o̍ lɛ̄ŋndē ndɔ̄la̍ŋ ni᷄ŋ.

Te̍ I̍ ba̍lu̍ pɛ̍, po᷄ tāse̍ o̍ po᷄ tāse̍ cho̍ o̍ lɛ̄ŋndē I̍chi̍pīle̍ŋ ni᷄ŋ, ō chō wu̍. Chɔ̍ŋ a̍ nūm māsā bɛ̍ndōo̍ po̍ nu᷄m tāso̍o̍, o̍ nɔ̍ mbō hu᷄ŋ mi̍i̍ŋgū o̍ fōōfō nu̍m ndo̍ wo̍, mbo̍ kūɛ̄ a̍ chɛ̄ wānā la̍nɔ̍ chu̍ī tɔ̍lɔ̄ɔ̄ ku̍llo̍ wo̍, po̍ ndɔ̍ tāso̍o̍, nda̍ kpo̍u̍ ā chō wu̍. Ndu̍yɛ̍, nāūwa̍ bɛ̍ɛ̍, tōōyīa̍a̍ tāsi̍a̍a̍ nda̍ kōm nda̍ ki̍nɛ̍i̍, ā chō wu̍. Cha᷄ŋnda̍ bɛ̍ndūla̍ŋ lā chō hūnɔ̄ɔ̄ tīū o̍ lɛ̄ŋndē I̍chi̍pīle̍ŋ kpo̍u̍. Cha᷄ŋnda̍ wa̍ ni᷄ŋ I̍chi̍pī la̍ŋ, kāni̍ bɛ̍ɛ̍ cha᷄ŋnda̍ wa̍ā le̍nde̍ lā yɔ̄nu᷄ŋ ndɔ̍ lo̍ŋ te̍. Ndu̍yɛ̍, fɛ̍ɛ̍ŋ a̍ fɛ̍ɛ̍ŋ bɛ̍ɛ̍ cha᷄ŋnda̍ wa̍ā le̍nde̍ lā yɔ̍nūŋ ndɛ̍ ni̍ŋ lo̍ŋ te̍.

O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ dīmūl Mūu̍sē āā, “Māsāa̍ I̍chi̍pī ō cho̍ nūm lānī yāŋɔ̄ɔ̄ le̍. Sa̍bū o̍ cho̍ nu̍m lānī yāŋɔ̄ɔ̄ le̍ wo̍ cho̍ ni̍, le̍ mī chɔ̍ɔ̍lu̍ sɔ̄ɔ̍ŋ ka̍a̍ma᷅ŋ ya̍ I̍ kɛ̍ɛ̍si̍a̍a̍ le̍ tōsāa̍ o̍ lɛ̄ŋndē I̍chi̍pīle̍ŋ ni᷄ŋ ndo̍ŋ tōsā.”