Popular Bible Verses from Luonmtieb 6

Share

K mɑɑn biit nyuɑt tie kuun e, ŋɑɑn Yennu piini nbɑ k u tien’t yɑnn nɑ tie mɑnfuol nbɑ kɑɑ gbennu e, t Yonmdɑɑnɔ Yiesu Klistu pɑɑk.

K mɑɑn, *senni nbɑ ji k yen’i, ŋɑɑn Yennu ninkpɑbɑɔnŋ nɑ e yen’i nɑ, l k ŋɑn k biit i mɔk i yɑɑk.

L pɑɑk, t din kpo e nɑn Klistu k b lɑkn pii’t nɑn’ɔ Yennu nyunwulu ni, k u Bɑɑ nbɑ din jii u bɑktnɔunŋ yiikuo k fiin’ɔ kuun ni nɑ, nnɑ e k t mun fiil ɑ tii be mɑnfopɑɑnn ni.

Dɑɑ cɑbt biit k l mɔk i gbɑnɑnt yɑɑk k tuun nɑn’n bonbiil, ŋɑɑn jiin i mɔnŋ k tul Yennu, ŋɑɑn kii tie nɑn i nyii kuun ni e k kuɑ mɑnfuol ni nɑ. Jiin i gbɑnɑnt kul k tul Yennu ɑ lii tuun lin nbɑ tuok.

T mi nɑn t binbenkpelk nɑ lɑkn k kpo nɑn Yiesu u dɑpunpunn pɑɑk, ɑ t biit binbenŋ nɑ ji dɑɑ mɔk yiikuo, k t ji kii be biit dɑbs ni

Nnɑ e mun, i jii i mɔnŋ k lii nɑɑn nɑn i kpo nɑ k biit ji k mɔk i yiikuo, ŋɑɑn, Yiesu Klistu pɑɑk, i ji be i mɑnfuol ni k tien Yennu.

L pɑɑk, t sɑɑ yet nlee? T biɑ sii be t biit tumu ni e k Yennu ninkpɑbɑɔnŋ nɑ n pukn ɑmi ii? Aɑi, ŋɑnn kɑɑ. L tie nɑn t kpo nɑ e, k l pɑɑk biit k mɔk t yiikuo. Nlee k t sɑɑ biɑl biit tumu ni?

I mi nɑn l i tie k i jii i mɔnŋ k tul suɑ ɑ yin sɑk u mɔb i e, i set tie wun nbɑ k sɑɑk u mɔb nɑ dɑɑbɑ e. I i sɑk k tuun biit, i tie biit dɑɑbɑ e, k l juontu tie kuun e. Ŋɑɑn i i sɑk Yennu mɔb, i tie mɔsɑkdɑnm e, k ŋɑnn e sɑɑ te k i tie niŋɑnm Yennu buol.

Siɑn yuo, biit din mɔk i yiikuo, ŋɑɑn mɔtɑɑnɑ i mɑntk sɑɑk bɑlmɔni wɑnnu nbɑ k b din wɑnt’i nɑ nɑn i pɑlɑ kul. L pɑɑk, k n tien Yennu niipuouk. Mɔtɑɑnɑ i ji k tie biit dɑɑbɑ, ŋɑɑn i ji tie dɑɑbɑ k tul lin nbɑ tuok nɑ tumu e.