Popular Bible Verses from Luonmtieb 14

Share

K mɑɑn Yennu nɑɑn lɑbɑɑl k tie jiet-dinu ɑmi nyunu lɑbɑɑl kɑɑ, ŋɑɑn l tie Yennu nbɑ luon k tii tuun bɑnnu nbɑ, nɑn mɑnu nɑn pɑlpienn nbɑ k Foŋɑnm tul’t nɑ lɑbɑɑl. K mɑɑn wun nbɑ wɑɑ Klistu nnɑ, Yennu sii mɔk pɑlpienn nɑn l dɑɑnɔ, k niib biɑ sii tie’u bɑɑkl.

T i fo, t fo k dont Yonmdɑɑnɔ sɑnn e. T i mun i biɑ kii kpo, t kpo Yonmdɑɑnɔ sɑnn ni e. Tɔn, t i fo ɑmi t i sɑɑ kpo i e, t tie Yonmdɑɑnɔ yɑb e.

L pɑɑk, ŋɑɑnt mɑn k tin yɑbl k tun lin nbɑ bɑɑt nɑn mɑnu, nɑn lin nbɑ sɑɑ sonm t kul t yɑdɑ ni.

L pɑɑk, t dɑɑ duki nɑn t sɑɑ fit yet nɑn lin nbɑ k t lieb tuun nɑ ŋɑn kuo l k ŋɑn. Lin nbɑ ŋɑn tie k i lol i mɔnŋ pɑl ni, nɑn i kɑn te k i nɑɑ bik n gbiɑt kuo k bɑɑ.

L diɑn Yennu lolkpel kɑdɑɑɔk ni ɑ: «Min, Yonmdɑɑnɔ nbɑ fo nɑ, n yien’i nɑn buolu kul sɑɑ gbɑɑn n tuɑnn, k suɑ kul sɑɑ yet u mɔb ni, ɑ n set tie Yennu.» L pɑɑk, suɑ kul tɑn sɑɑ fiit u mɔnŋ k tul Yennu.

Gɑɑt mɑn yɑdɑ-kɑnpuɑnɑ dɑnm nɑ, ŋɑɑn dɑɑ noi nɑn’m mɔniɑɔk b dudukt po.

A tie ŋmee k sɑɑ biil suɑ tuontunnɔ? U mɔnŋ yudɑɑnɔ nɑ e sɑɑ yet wɑɑ dii nɑn wɑɑ bɑɑ, k u set sɑɑ di wɑɑ k mɑɑn Yonmdɑɑnɔ mɔk pɑnŋ nbɑ sɑɑ te k wun di.