Popular Bible Verses from Luonmtieb 1

Share

Fei k mɔk’n nɑn k n muɑnt lɑbɑmɑnn mɑnŋ, k mɑɑn l tie Yennu yiikuo nbɑ fiel wun nbɑ kul tien yɑdɑ nɑ e. Sinsinn l tie *Suifnbɑ yɑl e, k mun biɑ tie bin nbɑ k tie Suifnbɑ nɑ kul yɑl.

Lɑbɑmɑnn mɑnŋ wɑnt biɑnŋ nbɑ k Yennu yet ɑ nilɔ tie niŋɑnɔ u tuɑnn e. L tie yɑdɑ nɑ pɑɑk e. L kul e nɑ, nɑn lɑɑ diɑn Yennu lolkpel kɑdɑɑɔk ni ɑ: «Wun nbɑ tien niŋɑnɔ Yennu buol, u yɑdɑ nɑ pɑɑk, l dɑɑnɔ sii mɔk mɔmɔnm mɑnfuol.»

Yuo nbɑ k Yennu din nɑn *dulnyɑ mɔkmɔk nɑn mɔtɑɑnɑ, u nɑɑmi mɑnŋ ni k b bɑnn u ŋɑnt nbɑ k nifosɑɑlk ninbinn k fit lɑɑt nɑ: ŋɑnn e tie u yiikuo nbɑ kɑɑ gbennu, nɑn wɑɑ tie Yennu bɑnnu nbɑ nɑ. L pɑɑk, k b ji k mɔk leku Yennu tuɑnn k sɑɑ yet ɑ b k mi b biit.

B mi Yennu, ŋɑɑn b k tien’ɔ bɑɑkl nbɑ k u yen nɑ, k biɑ k tien’ɔ niipuouk. B mɔk jɑt-dudukt, k b dudukt be bunbɔnn ni.

B jii lin nbɑ tie bɑlmɔni k jikt sɑɑ Yennu po nɑ k lu, ŋɑɑn sɑk fɑɑk, k lebt k jiɑntl lin nbɑ k Yennu nɑn, ŋɑɑn nyik Yennu mɔnŋ mɔnŋ, wun nbɑ yen pɑku kul mɔkmɔk nɑn yuo nbɑ kɑɑ gbennu. * Amenn.

Yennu wɑnn nifosɑɑli ɑ u donn wutuol b pɑɑk, k mɑɑn b tuun biit k k wɑɑ u sɔnu, k b biit sɔni mɑnŋ te k niib k bɑnt u bɑlmɔni.

L pɑɑk, k Yennu nyik’b ɑ bii tuun b mɔnŋ lonbiiuk nbɑ mɔk fei, k b puob nyik bii duɑ nɑn jɑb ŋɑɑn ŋmɑt k duɑ nɑn b lieb. Nnɑ e mun k jɑb nyik bii duɑ nɑn puob ŋɑɑn k b niɑɔnŋ be b lieb ni bonciɑnn. Jɑb tie bonsiɑ nbɑ mɔk fei nɑn jɑlieb. L pɑɑk, k b lɑ tubdɑtu b gbɑnɑnt ni k l jɑnŋ nɑn b biit. Nifosɑɑli nbɑ din k luon k bin bɑnn Yennu, l pɑɑk e k Yennu nyik’b nɑn b dudukbiit, k b tuun tuonɑ nbɑ bi bonciɑnn.

B yɑɑ ɑ b mɔk yɑn e, ŋɑɑn tie wɑɑtb. Bɑɑ bo sii jiɑntl Yennu nbɑ kɑɑ gbennu nɑ, b k sɑk, ŋɑɑn jiɑntl pɑtɑ nbɑ k niib nɑn’m k l nɑɑn nifosɑɑli nbɑ sɑɑ fit kpo nɑ, ɑmi nuɑni, ɑmi bonkobt, ɑmi bonfulinkɑ nbɑ fuln tinŋ ni.