Popular Bible Verses from Romàtɔwo 11

E ye wɔ̀ ènuwo keŋu, e ye na ènuwo keŋu lè, eye ènuwo keŋu nyi e tɔ̀. Gogo na Mawu kaka sɔ yì! * Àmèn.

Oò! Mawu be àdɔ̀kùnuwo sùgbɔ loò! Yebe ènunya ku àɖàŋù gòglò loò! Àmè ɖe la teŋu kpɔ ènyà ɖe la gblɔ̃ na Mawu so yebe kòjoɖoɖowo ŋutia? Àmè ɖekpe mu la teŋu sè yebe ɖoɖowo gɔ̃mè ò!

Ŋɔ̀ŋlɔ̃awo gblɔ̃ be: “Àmè kɛ ye sè Tɔhonɔ̀ be susu gɔ̃mè ò? Àmè kɛ ye la teŋu ɖo àɖàŋù na ɛ̀ ò?

Nène a ke, lè fifì be hùenu cã a, àmè ɖewo gbà kpɔ̀tɔ̀, kèwo Mawu ku ŋuzĩzĩ na fàa, eye be cã wo dà ɖɛ. Ne màje ji ye be toa, eŋuã mu nyi èdɔwɔ̀wɔwo ŋuti ye ò. Ne mu nyi nène òa, màje mu gbà la nyi màje ò.

Ne wo sò àlɔ̀zɛ̃ ɖewo joa, èwò kè nyi ègbemè be àmìti kè wo sɔ tɛ ɖo woa tèpe, eye wò do xòmè ku àmìtia be èkè kudo èsìa, mù gbà yigò ɖo àlɔ̀zɛ̃awo ji ò. Ne wò jo le yigòa, ɖoŋù be mu nyi èwò ye dro èkèa ɖo èta ò, vɔ̀a èkèa ye dro wò ya.