Popular Bible Verses from Romàtɔwo 1

Àŋɛ̀nyuɛ̃ a mu kpɛ̃nà ŋù na mù ò, ɖo e nyi Mawu be ŋusɛ̃. E hlùɛ̃nà àmè kèwo keŋu xɔ̀nà e ji sèawo gã; cucugbãa, Yudàviwo, e yomè a, àmè kèwo mu nyi Yudàvi òawo cã.

Đo wo ɖè Mawu be jɔ̀jɔɛ nyinyia so e mè, ku xɔ̀sè, ɖo xɔ̀sè ŋuti, sìgbè àlekè wo ŋlɔ̀ ɛ̀ ɖɛa nène be: “Àmè kè lè jɔ̀jɔɛa, la nɔ̀ àgbè to xɔ̀sè ji.”

So kaka wàlɛbɛ kè wo ɖo xixea, lekè yebe blibo sùsu màkpɔ ku ŋùkua ɖè Mawu be ŋusɛ̃ kòkòɖàbìa ku yebe Mawu nyinyia fiɔ ɖoa, ze peŋu lè ènu kèwo be ɖo, kèwo mè mi sèawo mè. Nène a, àgbètɔ ɖekpe mu gbà teŋu do tàflacɛ be yè mu nya ènu kèawo ò.

Togbɔ be wo jèsi Mawu cã a, wo mu nana ɛ̀ gogo kè jè a, àlo dona àkpe na ɛ̀ sìgbè lekè be jè a nène ò. Đo ekèa tèpea, ènu màɖè àlèwo ŋuti kpò wo bùnà. Susu mu gbà lè woa si ò, àleke be woabe èjìwo ci vìvìti mè.

Wo sɔ àjèɖàɖa ɖɔ̀lì ku Mawu be nyàwo a, wo do ènu ègũ, eye wo sɛ̃ ènu kèwo Mawu ɖoawo ɖo ènuawo ɖotɔ kè nyi Mawu kè jè na gogo tɛ̀gbɛ̀a tèpe. * Àmèn!

Wo ɖè Mawu be àdɔ̀mèzea fiɔ nyàwo so jiŋùkusi, ɖo àgbètɔwo be Mawu màsi ku jɔ̀jɔɛ màwɔ̀ keŋu ŋuti. Wo sɔ ènu màjɔ̀ màjɔ wɔ̀wɔ xe èmɔ na nyàwo totoa.

Ekèa ŋuti ye Mawu ɖè àsi lè woa ŋuti, eye èjro pòɖiwo ɖùnà woa ji, eye wo wɔ̀nà ŋùkpɛ̃nuwo. Woabe nyɔ̃nùwo dɔ̃na ku nyɔ̃nù buwo, ènu kè sitè ɖo jɔ̀jɔmè be ɖoɖowo ŋutia. Nène a ke ye, woabe ŋusùwo cã sitè ɖo jɔ̀jɔmè be ɖoɖowo ŋuti, gblena nyɔ̃nùwo ɖɛ, cina klìklìklì ɖo woa tɔ̀ ŋusùwo ŋuti, àleke be ŋusù ku ŋusù wɔ̀nà ŋùkpɛ̃nu. Ekèa ŋutia, wo xɔ̀nà woabe ènu dàda wɔ̀wɔwo be ètodɔ̃ sìgbè lekè be jè a nène lè woa ɖokoewo mè. Ekè mu jè ŋùmè na wo be woa xɔ̀ ènunya àdodoe kè kù ɖo Mawu ŋuti ɖo woa ɖokoe mè òa, Mawu cã ɖè àsi lè woa ŋuti ɖo woa ŋutɔwo be susu màsɔ̀gbèa mè, nènea wo wɔ̀nà ènu kèwo mu jè klua òa.

Woa ŋutɔwo be yèwo nya ènu, vɔ̀a, wo zũ sùkunɔ̀wo. Gogo kè wo ɖo la sɔ na Mawu màkumàkua, wo sɔ le na àti kpàkpa ku kpèli kèwo ɖo àgbètɔ kè kunaa, èxèwo, èlã àfɔ̀ ènèwo, àlo èlã kèwo tana lè pòdo jiawo be nɔ̀nɔmè.