Popular Bible Verses from Màteo 7

“Mì biɔ, wo la na mì; mì ji ènu, eye mì la kpɔ ɛ̀; mì pò èhɔ̃a, wo la hũ ì na mì.

Đo àmè ɖekpekpe àmè kè biɔa, wo la na ɛ̀; àmè kè le ji ènua, la kpɔ ɛ̀, eye wo hũnà èhɔ̃ na àmè kè le pò èa.

“Ye ŋutia, àmè kè sè ènyà kèwo mù gblɔ̃ fifìa, eye be wɔ̀ ɖo woa jia, lè sìgbè ènunyatɔ kè tù yebe èxɔ̀ ɖo àkpã jia nène.

“Ye ŋutia, ènu ɖekpekpe ènu kè mì ji be àmèwo ne wɔ̀ na mìa, mìawo cã mì wɔ̀ ɛ̀ na wo; ɖo ènu kè Mosè be èsea ku Mawu be gblɔ̃ɖɛtɔwo gblɔ̃a yeŋu.”

Vɔ̀a, àgbo kè hũ ɖo èmɔ kè kplɔ̀nà àmè yìnà àgbè màvɔ mèa xùe, eye èmɔa cã xixa. Àmè ɖewo kpò ye kènà ɖo e ŋuti.”

“Mì to àgbo xixaa nu. Đo, àgbo kè kplɔ̀nà àmè yìnà cɔ̃crɔ̃ mèa lòlò, eye èmɔa cã kèkè. Àmè sùgbɔ ye tona funua.

Mìawo ya, àmè vuɛ̃ ye mì nyi, gãke, mì nana ènu nyuɛ̃ mìabe èviwo. Mìa Tɔ kè lè jiŋùkusia mu la na ènu nyuɛ̃wo àmè kèwo biɔna ɛ̀a wua?”

“Mì mu gbà ɖo kòjo na àmè ɖe ò; Mawu cã mu la ɖo kòjo na mì ò. Đo àlekè mì le ɖo kòjo na àmè buwo ɖoa, nènea ke ye wo la ɖo kòjo na mìa cã. Jijenu kè mì sɔ jije ènu na àmèa ke ye Mawu la sɔ jije è na mì.

Vɔ̀a, àmè kè sè ènyà nyèwo, eye mu wɔ̀ ɖo woa ji òa, lè sìgbè àmè kè àyè hùe do, eye, be tù yebe èxɔ̀ ɖo èkɔ sawɛ jia nène.

Nukɛ ŋuti wò le kpɔ bèyɔɛ kè lè nɔ̀vi wò be ŋùkuvi ji, vɔ̀a, wò mu le kpɔ àtikpo kè lè wò ŋutɔ àpo ŋùkuvi jia ò? Àleke wɔ̀, èwò kè àtikpo lè ŋùkuvi ji na a, wò teŋu gblɔ̃ na nɔ̀vi wò be: 'Tàflacɛ, na ne ma ɖè bèyɔɛ lè ŋùkuvi ji na wò' ɖo ò?

“Mì jè àyè na àjè-gblɔ̃ɖɛtɔ kèwo vana mìa gbɔ lè àlɛ̃wo be àgbàze mè, vɔ̀a, lè woabe èjìwo mèa, wo nyrãku wu gbète hɛ̃nu-trɛ̃wo. Mì la jèsi wo to woabe wɔ̀nawo mè; ɖo àŋùjati ma teŋu sɛ̃ vɛ̃ku ò; nènea kea, àklãti ma teŋu sɛ̃ èvò ò.

Àti nyuɛ̃a, èku nyuɛ̃ ye be sɛ̃na; eye àti vuɛ̃ a sɛ̃na èku vuɛ̃.

Àti nyuɛ̃ mu teŋu sɛ̃ èku vuɛ̃ ò. Nènea ke ye àti vuɛ̃ ma teŋu sɛ̃ èku nyuɛ̃ ò.

Àti sia àti kè mu sɛ̃na èku nyuɛ̃ òa, wo sònà ɛ̀, sɔna ɛ̀ dànà ɖo èzò mè.