Popular Bible Verses from Màteo 16

Wàlɛbɛ ŋua, Yesù gblɔ̃ na yebe nukplaviwo be: “Ne àmè ɖe jro la jè yo nyè mèa, ne gbe ye ɖokoe, ne sɔ yebe àtisòga, ne bèa kpàsà mù do.

Eye nyè cã mù le to na wò be, Petrò, nyikɔ wòa be gɔ̃mè ye nyi Àkpã, eye àkpã kèa ji ye mù la li èhabɔ̀bɔ nyèa ɖo, eye èkuwode be ŋusɛ̃ mu la teŋu ɖù ji wò ò.

Mù la sɔ Mawu be fìɔdua be sãfewo do àsi na wò, eye ènu ɖekpekpe kè wò la bla lè ànyigbã jia, wo la bla ɛ̀ lè jiŋùkusi, eye ènu ɖekpekpe kè wò la tu lè ànyigbã jia, wo la tu ì lè jiŋùkusi.”

Đo àmè ɖekpekpe kè jro la hlùɛ̃ yebe àgbè a, la bu ì, eye àmè ɖekpekpe kè la bu yebe àgbè ɖo ŋuti nyèa, la kpɔ ɛ̀.

Àlè kɛ ye e la ɖè na àgbètɔ, ne xixe kplògòdòa nyi ye tɔ̀, vɔ̀a, be bu yebe klaa ò? Àlo nukɛ ye àgbètɔ la sɔ ɖɔ̀lì yebe klaa ò?

Eye Yesù biɔ wo be: “Mìawo ya ɖe, àmè kɛ ye mì gblɔ̃nà be mù nyi ò?” Simɔ̀n Petrò ɖoeŋuti be: “Èwò ye nyi Mɛ̀sia, Mawu àgbè-àgbè a be Èvi.”

Eye Yesù gblɔ̃ na ɛ̀ be: “Sìtume ye wò nyi Simɔ̀n, Yòhanɛ̀s be èvi, ɖo mu nyi ŋutilã ku èhũ ye ɖè ènu kèa fiɔ wò ò, vɔ̀a, Ètɔ nyè kè lè jiŋùkusia ye.