Popular Bible Verses from Èsea gbìgbɔ̀ hlɛ̃ 28

Share

Ne wò ɖo èto Tɔhonɔ̀, àpo Mawu be ègbè tututu, eye wò kpɔ e gbɔ be yèa wɔ̀ ɖo yebe èse kèwo kpata mù sɔ le do àsi na wò egbèa jia, Tɔhonɔ̀ àpo Mawu la na wò la wu ànyigbã ji be dùkɔ̃wo kpata.

Ne wò ɖo èto Tɔhonɔ̀ àpo Mawu be ègbèa, sìtu kèwo keŋu la kɔ̀ ɖo ji wò, eye wo la ɖì na wòawo ye nyi ekèawo

Ne wò sè ètonu na Tɔhonɔ̀, àpo Mawu a, Tɔhonɔ̀ la sɔ wò ɖo ŋùkɔ̀ na dùkɔ̃wo keŋu, wò mu la nɔ̀ ŋùgbe ò. Eji kpò wò la nɔ yì; wò mu la ɖiɖi va gɔ̃mè kpɔ ò

Tɔhonɔ̀ la hũ yebe jiŋùkusi, eye be la na èji la jà ɖo ànyigbã ji na wò, ɖo yebe hùenu.

Ne kɛ̃tɔ wòwo sitè ɖo ŋuti wòa, Tɔhonɔ̀ la ɖù woa ji, lè ŋùku wò mè. Wo la to èmɔ ɖèka va, vɔ̀a, wo la kã hlɛ̃ lè ŋùkɔ̀ na wò, la si to èmɔ vòvò adrɛ̃ jo.

Tɔhonɔ̀ la tusì na àpo àvàwo, kaka wo la ɖɔ, eye be la tusì na ènu kèwo keŋu wò la wɔ̀a. E la tusì na wò lè ànyigbã kè Tɔhonɔ̀, àpo Mawu sɔ le do àsi na wòa ji.

Sìtu la nɔ̀ àpo yìyi ku gbɔ̀gbɔ ji.

Sìtu la nɔ̀ ji wò lè èdù wòwo mè, eye sìtu la nɔ̀ ji wò lè àgblè wòwo mè.

Sìtu la nɔ̀ àpo jìjimè ji sùgbɔ; sìtu la nɔ̀ àpo àgblèwo ji, eye nukuwo la sùgbɔ; sìtu la nɔ̀ èlã wòwo ji, ènyì ku àlɛ̃ wòwo la do àmì, eye wo la jì ɖo e ji fuu.

Ne wò le Tɔhonɔ̀, àpo Mawu be èsewo ɖo àsi, eye wò le zɔ̃ ɖo yebe ɖoɖowo nua, Tɔhonɔ̀ la sɔ wò sɔ ɖo ye ŋutɔ be dùkɔ̃ kɔ̀kɔ̀ɛ, sìgbè lekè Tɔhonɔ̀ fìã àjɔ̀gbè na wòa nène.

Sìtu la nɔ̀ àpo àjàfi ku àpo mawɛ-ze ji.

Tɔhonɔ̀ la na wò nyɔna, e la na, wò la jì ɖo e ji, e la na, èlãha wòwo la jì ɖo e ji, eye àgblè mè-nuku wòwo la gbãgo, lè ànyigbã kè be àjɔ̀gbè Tɔhonɔ̀ fìã na tɔgbe wòwo, be yè la sɔ na wòa ji.

Ne ànyigbã ji be dùkɔ̃wo keŋu kpɔ be Tɔhonɔ̀ be nyikɔ lè ŋuti wòa, wo la nɔ vɔ̃ wò.

ɖoa, wò mu la zɛ̃ yì ɖùsi mè, àlo, èmìɔ̃ mè, lè èmɔ kèwo keŋu, mù le ta na mì egbèa ji, la kplɔ̀ vòduwo do, ne wòa yì sɛ̃ wo ò.”

“Vɔ̀a, ne wò mu ɖo èto Tɔhonɔ̀, àpo Mawu be ègbè, ne wòa nɔ wɔ̀ ɖo yebe èse ku ɖoɖo kèwo keŋu mù sɔ le do àsi na wò egbèa ji ò a, kpɛ̃sɛ̃ kèwo la va ji wò, eye wo la ɖì ŋuti wòawo ye nyi ekèawo