Popular Bible Verses from Romains 12

Share

Taa dūmaan ni-ba kí nántíǹ waanee bimbim, ama ní yàntī Unimbɔti ń pɔ̄-ni ilandɔkɔpɔɔn kí kpántí ni-bimbim. Míǹ ní ni ŋūǹ kí béé min ní Unimbɔti lèe, min ŋān̄ ki fáatì-u ki sá mmɔntiimee.

Nnabiyaamu, kii Unimbɔti nín dàkā-ti u-saasɔl puee, m mèé-ni yii ní dū ni-wunti kí tīī Unimbɔti kii saraa un bí circir kaa kpíì, ki fáatì-uee. An di làá nīn sá-ni dinimbɔtinoobaamɔndi din máaǹ ní nóóyee.

Án nīn mɔ̄ǹ-ni dimákal din ni cááyee pu, kí jīmaan kimɔtii falaa poon, kí nīn mèé múlmul.

Ní taa yàntī tikpitil ń pɔ̄ɔkiǹ-ni, nimbi dūmaan tiŋan kí pɔ̄ɔkiǹ tikpitil.

Nín̄ néeḿmaan tɔb tiŋan kii nnabiyaamu nín néeń tɔb puee, kí nīn sá bipeekaabi ki tɔ́ bin kíǹee.

Ni-neendi ń taa nín̄ cáá mpoonnyoon. Ní nīn ná ikpiti, kí dū ni-ba kí nákáǹ tiŋan mmɔntiim.

Ni yaa ŋūǹee, ní yàntī ŋgbansɔŋfi ń nīn bí ni nì báà ŋma kansikin, tiba ń taa nyānní ni-cee.

M-nabineeŋkaamu, ní taa tɔ̀maan ni-ba ipɔntoon. Yàntīmaan Unimbɔti ŋuul ń tɔ̄ di-tundi, kun puee an ŋmàn̄ yii: «Ti-Dindaan bí yii: Man di làá dāá tɔ̀ ipɔntoon, man di làá dāá pà bi-tuuŋŋi paati.

Ní nīn tūm̀maan ditundi nì difaŋgiil kí taa nín̄ sá biwutijoodambi, kí nīn pɔ̄ɔntí ki tūm̀maan ti-Dindaan tundi nì ni-pɔbiliŋ kɔkɔ.

Diyimɔɔl din Unimbɔti pú-mee puee ní m ŋūǹ kí tùkù ni-kɔkɔ yii ní taa nín̄ yòontí ni-ba yilpu min kaa máaǹee, ama nín̄ cáámaan ilandɔkɔ in kítì ki nóó nì fookii un Unimbɔti yākatì ki pú báà ŋmee.

Ubɔ yaa ŋá-ni tikpitilee, ní taa dū tikpitil kí téeǹ-u. Pɔ́ɔm̀maan kí ŋá min kítèe binib kɔkɔ nimbiin.

Nín̄ mɔ̄maan tɔb cee. Ní taa nín̄ sá bin néeń timɔnee. Nín̄ sìntīmaan ni-ba taapu, kí taa dàkafìmaan yii ni sá biciŋfitiibi.

Ama, ŋkùm yaa cáá a-nannanliu, á tīī-u tijin ú jī. Nnyinnyoo yaa tí cáá-u, á tīī-u nnyim ú nyɔ̀. A yaa bíi ŋáań mimmee, an bí kii amɔsiŋkoon ní a cáa pāantí u-yil puee.»

Mèèmaan yii Unimbɔti ń ŋá bin sàantí-nee tiŋan, ní nīn nyàab̀ bi-ŋanti kí taa nín̄ nyàab̀-bi tikpitil. Bin yaa bí dipɔɔpindinee, ní kūtì bi-pu, ni-kɔkɔ ń fàal̀maan. Bin yaa tí bíi sūǹee, ní kūtì bi mun pu, ni-kɔkɔ ń sɔ̄.

Tūtum̀maan biwɔfib bin nóó Unimbɔtee, kí nīn fòol̄ binicambi bin kóò ni-puee nì mmɔn.

Kii tiwun nín sá tibaantiil ki cáá ajan tikpil, ŋi-tuuŋŋi kaa pēē puee, míǹ mbaantiim, ti nín wīikí min nee, Kriisitoo di kpáfì-ti tiwumbaantiil, ní báà ŋma túkú u-laŋki u-laŋki.