Popular Bible Verses from Philippiens 4

Share

Ní taa nín̄ yáliŋkí tiba nì tiba pu, ama tin kamaa di yaa bāań-nee, ní dū ŋwimmeem nì igbaam kí mèè Unimbɔti tin lóò-nee pu, kí nīn jáaḿ-u u-ŋanti pu.

Unimbɔti gbansɔŋfiŋu ŋun wīikí ki jítiǹ unil nyítamee, làá ŋúb́ ni-pɔbiliŋ nì ni-landɔkɔi ni nín sá Yeesu Kriisitoo yabee pu.

Nnabiyaamu, m-bɔjoolkaati sèé: ní nīn dàkafī tin máaǹ tinyoolee pu, an dàkà yii tin kɔkɔ sá tiŋmanee, tin kɔkɔ sá bí nyɔ̄ŋkèe, tin kɔkɔ bí deedeeyee, tin kɔkɔ bí circiree, tin kɔkɔ kítì dineendee, nì tin kɔkɔ bi pàkèe.

M ŋūǹ tikɔkɔ Kriisitoo un tìì-mi mpɔnee pu.

Ni nín bí ti-Dindaan ŋaan puee, nín̄ fàal̀maan ŋyunti sá kamaa. M gíti bùsī ki tùkù-ni yii, nín̄ fàal̀maan.

Kii m-Nimbɔtiu nín cáá tigaajawan tikpil nì tinyool puee, u làá tīī-ni tin kɔkɔ yaa lóò-nee Yeesu Kriisitoo pu.

Ní nīn ŋáaḿmaan tin ni bífì ki fōō m-ceeyee nì tin ni gbìl̄ m sòon̄ee nì tin ni ká m ŋáańee, ní Unimbɔti ŋgbansɔŋfi daan ń nīn bí ni-cee.

Ní nīn mɔ̄ báà ŋma cee, ti-Dindaan tóobiń.

M bífì kí nīn bí disoolin, ki tí bífì kí nīn bí digbíl mun poon. M yaa jíń ki díkáaa, m yaa tí dɔ̄ ŋkùmaaa, m yaa cáá ki lákatàaa, m yaa kaa tí cááyaaa, m bífì kí ŋmèè tin kamaa di yaa pée bāań-mee.

M nín bí ki sòoǹ nì ni pu nee, an kaa sá tiba di lóò-mi. M yaa cááyaaa, m yaa kaa tí cááyaaa, an kɔkɔ mɔ̄ǹ-mi ní.