Popular Bible Verses from Nombres 14

Share

Tin páb́ee di sá ní taa jáǹ ti-Dindaan, kí taa fàŋkì kitiŋ gbanti nib. Ti làá já kí pɔ̄ɔkiǹ-bi sɔ́kɔ sɔkɔ. Di sá bi-waaŋi ŋin cí-bee dū-bi ki fá, ama ní timbi Dindaan bí ti-cee. An puee taa fàŋkìmaan-bi.»

<M sá ni-Dindaan un kaa gífí diŋuul malaayee, ní m-ŋanti wīikí tikpil. M pūǹ ikpiti kɔkɔ nì i-bulifi. Ama maa tàantí unikpiti kaa dáaĺ u-tafal. M dátí unikpiti tafal kí tin kpáaǹ u-naantitɔntɔkɔŋ ata àá anaa.>

An sá kitiŋ kin poon nnaabiim nì tisiil còol̀ee ní. Ti-Dindaan yaa yú ti-boon, u làá kɔ́ǹ-ti ki-poon kí dū-kì kí tīī-ti.

Ama kii ŋfam min kpòotī m-tɔntɔnliu Kaaleebee nín nyáń mi-ba u nóó-mi deedee puee, m làá yàntī ú kɔ́ kitiŋ kin u cūtìi kpēēyee poon, ní u-naantiibi ń dāá jī-kì.

Ní tùkù-bi yii: <Man ni-Dindaan bí dimaŋfalin. M pūtì ki lī yii, ni nín pée sòon̄-mi puee, míǹ ní m làá téeǹ-ni.

Ti-Dindaan bí Mooyiisi yii: «Kí tin sāā ŋyunti ŋulɔŋu ní dinibul nee làá gbèen̄ kí taa ti kpèè-mi fám ní? Kí tin sāā ŋyunti ŋulɔŋu ní bi làá yíí kí taa nín̄ cáá m-pu dimákal, nì min kɔkɔ m ŋá maamaacikpaambi bin bí nee bi-kansikinee?

Samaayee kɔkɔ nìn bí ki wòoǹ Mooyiisi nì Aarɔn ní ki lì-bi yii: «Ti yaa bàà nìn kpíìń Eejipiti tiŋkin àá ti yaa tí kpíì kuteeun doo, an bàà sɔ́!

Ní Nuuni jipɔɔn Joosuwa nì Yeefunee jipɔɔn Kaaleeb bin nìn ŋmàl̄ bin cūtìi cɔ́ŋkì kitiŋee kansikinee, cúú bi-bɔkutiŋ ki cátì, ní ki bí Isirayeel yab samaau kɔkɔ yii: «Kitiŋ kin ti cūtìi yìin̄ ki kpēēyee sá kitimmɔmmɔntii ní!

Ama tiŋman, m nín bí dimaŋfalin ní m-nyooti gbí kitiŋ kɔkɔ pu nee, bin kɔkɔ ká m-nyooti nì tidaandi tin m ŋá Eejipiti tiŋkin nì kuteeun, ama ní ki cɔ́ŋkì-mi ŋfunyɔm saalaa pu kaa pílifì m-nyɔkɔee, bi-kansikin ubɔ kpá kí kɔ́ kitiŋ kin m pōoǹ bi-baabi yii m làá tīī-bee. Bin kɔkɔ pée kpēē-mi fámee kpá kí kɔ́ ki-poon.