Popular Bible Verses from Ephésiens 5

Share

Ni nín sá Unimbɔti biyaamu mun u néeńee puee, nín̄ bímaan kii úǹ nín bí puee. Ní nīn ŋáaḿmaan tikɔkɔ nì dineendi poon, kii Kriisitoo nín néeń-ti pu, ki dū u-ba ki ŋá saraa ki tīī Unimbɔti ti-pu u-saraauee fáatì Unimbɔtee.

An puee, ní nīn nyí nì ni-ba kí taa fōō bin kaa nyí tibee bimbim, ama ní nīn sá binib bin cáá iciinee. Ní taa nín̄ bíiĺ iyunti kun puee, iyunti in poon ti bí nee, ikpiti wíiǹ tikpil.

Ní taa nín̄ nyù idafi ki gbéè, kun puee an di bíiĺ unil, ama ní nīn gbéèmaan Unimbɔti Fam. Ní nīn gà ni-kansikin ilan in bí Inyɔŋki laŋyi gbɔŋkunee nì Kriisitoo nikitil laŋyi, nì ilan in Unimbɔti Fam tìì-nee, kí nīn cáámaan an laŋyi ki gà ki tìì ti-Dindaan, kí nīn nyɔ́ŋkí-u nì ni-pɔbiliŋ kɔkɔ. Nín̄ jáaḿmaan ti-Baa Unimbɔti ti-Dindaan Yeesu Kriisitoo yindi pu ŋyunti kamaa nì tikɔkɔ pu.

Ní taa nín̄ sá bigbaambi, ama béémaan ti-Dindaan nín là ní nīn ŋáań miŋyee.

Nimbi bininjabee, nín̄ néeḿmaan ni-nimpoobi, kii Kriisitoo nín néeń u-nikitil pu ki kpíì di-puee.

Dooooyee, ni nìn dáá bí dibɔmbɔndin ní, ama kɔŋkɔnnee ni kɔ́ ŋwalifin, kun puee ni kpántì ti-Dindaan yab. Míǹ puee ni-bimbim ń nīn bí kii bin bí ŋwalifinee bimbim nín bí puee.

Nimbi bin tɔ́ Kriisitooyee, sìntīmaan ni-ba taapu kí tīī man tɔb.

Nimbi binimpoobee, sìntīmaan ni-ba taapu kí tīī ni-calib kii ni nín fàŋkí ti-Dindaan puee.

Ama tin kíǹee di sá yii nimbee, báà ŋma ń nīn néeń u-nimpuu kii úǹ u-bee, ní unimpu mun ń nīn tɔ́ u-cal.

kii an nín ŋmàn̄ Unimbɔti gbɔŋku poon puee yii: «An pu ní uninja dāa nyēē u-baa nì u-na cee, ní u nì u-nimpuu ń nīn kíǹ ki bí, ní bi-liitilee ń kpántí unibaanti.»

Ní taa dū ni-ba kí cèeǹ bin sá dibɔmbɔndi yab ki tūǹ atuun ŋin kaa cáá ipaatee poon, ama ní nyāntí bi-tuŋkpitiŋ mpaampiin pu.