Popular Bible Verses from Deutéronome 10

Share

Kɔŋkɔnnee Isirayeel yab, ba ní ti-Dindaan ni-Nimbɔtiu baasii là yii ní ŋá ní? U là yii ní fàŋkì-u, kí nīn ŋáań u nín là puee, kí nīn néeń-u ní kí nīn tūǹ u-tundi nì ni-pɔbil kɔkɔ nì ni-fam kɔkɔ. U là yii ní nīn ŋúb́ u-marab nì u-bɔkpaaŋi ŋin m bíi cáa tìì-ni díǹ nee, án nín làá ŋá pu án nīn ŋān̄ ki tīī-nee!

Di sá yii úǹ di sá inimbɔti kɔkɔ Nimbɔtiu, ní ki sá bidindambi kɔkɔ Dindaan. U sá Unimbɔtikpaan, ki sá Mpɔŋkɔdaan ní ki sá Unimbɔti un cáá tifaandee. Waa pɔ̀ gandi, kaa fòol̄ ubɔ mun cee tiba kí pɔ̀-u.

Míǹ puee ní kpántímaan ni-pɔbiliŋ kí dū ni-ba kɔkɔ kí sú ti-Dindaan, kí gbèen̄ kí taa ti jáǹ-u.

U mɔ́tí ataŋkpiibil nì bikpiipoobi pu, ní ki néeń unicaan un kóò ni-puee ki tìì-u u jīǹ, ki pèentí-u.

Úǹ ní ni máaǹ kí nyɔ̄ŋkì. Úǹ baba di sá ni-Nimbɔtiu. Úǹ di ŋá atuŋkpaan nì maamaaci tuuŋŋi ki tīī-ni. Nimbi ni-ba ká míǹ.

Fàŋkìmaan ti-Dindaan ni-Nimbɔtiu kí nīn jáaḿ-u. Dūmaan ni-ba kɔkɔ kí tīī-u. Úǹ baba yindi pu ní ni máaǹ kí nīn pùtī.

Kpèè ti-Dindaan ni-Nimbɔtiu di yì yilpu fɔ́ŋŋŋ ki yì kitiŋ nì tin kɔkɔ bí ki-puee.

Míǹ puee ni máaǹ kí nīn néeń binicambi bin kóò ni-puee, di sá yii nimbi ni-ba nìn sá binicambi ní Eejipiti tiŋkin.