Popular Bible Verses from 2 Rois 4

Share

Ní Eeliisee bí-u yii: «Ba ní a là ḿ ŋá kí tīī-si ní? Tùkù-mi kun ní a cáá an bí a-dumpuee?» Ní u kíí yii: «Man a-tɔntɔnliu kaa pée cáá tiba m-dumpu, an yaa kaa sá ŋkpam min m cáa ŋmìtēe fiiiyee.»

Unimbɔti bɔnaatiliibi kitil kansikin ubɔ nimpuu dɔ́miń ki ká Eeliisee ki bí-u yii: «Ukpil, sii a-ba nyí yii a-tɔntɔnliu m-cal nìn fàŋkí ti-Dindaan. Kɔŋkɔnnee u kpíì ní ti-pɔnliu dɔ́miń yii u làá yòon̄ m-jipɔmbi liitil kí ŋá u-yumbui kí téeǹ dipɔndi din ti cáá-uee.»

Ní Eeliisee bí-u yii: «Nín̄ cá a-kɔŋkɔnnaatɔb cee kí càà tilɔn tin poon tiba kpée, á càà an nīn náaǹ.

A yaa ŋá míǹ ki dóòyee sii nì a-jipɔmbi ní kɔ́ kudiin kí dūú pìin̄, ní kí bàtī ŋkpam kí ŋá tilɔnee poon. Kulɔŋŋu kun yaa gbée, á dū-ku kí síiń ku-ba.»

U bíi ŋáań míǹ an bàn̄ ŋyunti ŋubɔee ní u bí u-jipɔmbi kansikin ubɔ yii: «Dū kulɔŋŋu kubɔ mun kí nàatīń-mi!» Ní úǹ kíí-u yii: «Tilɔn kaa ti bí.» Niinee ŋkpamee gúń kaa tí bíi còol̀.

Ní unimpuee cūtìi máafì Unimbɔti bɔnaatiliu tin jítèe ní úǹ bí-u yii: «Nín̄ cá kí dū ŋkpamee kí nyāfì kí lēē kí pà a-pɔndi. A-nimbil ŋin yaa kíǹee, á dūú kpíiǹ sii nì a-jipɔmbi.»

Niinee unimpuee yíkì ki nín kùǹ. U bàn̄ mmɔŋkee ní ki dū dikampiil ki pīiǹ u nì u-jipɔmbi pu. U-jipɔmbee nìn cáá tilɔnee ki nàatī-u ní úǹ bàtī ŋkpam ki sìtī ki gbēentí.

U mēē ki dóòyee ní ki dōoǹ kibikee pu ní ki dū u-nyɔkɔ ki tūū ki-nyɔkɔ, ní ki dū u-nimbiliŋ ki tūū ki-nimbiliŋ ní ki dū u-ŋalii ki páaǹ ki-ŋalii pu. U dɔ̄ kibikee pu mimmee ní ki-wunti píĺ.