Popular Bible Verses from 1 Corinthiens 15

Share

An puee, m-nabineeŋkaamu, ní nīn ŋúb́ an píkí, kí báań inyaan kí nīn tūm̀maan ti-Dindaan tundi kí taa gbèen̄, kí nīn nyí yii ni-tundi kaa làá gbíntí fám.

Tí jāam̀maan Unimbɔti u nín dìŋfī ti-Dindaan Yeesu Kriisitoo pu ki tìì-ti dijajil diŋyee pu.

Ní taa yàntī ubɔ ń kīil̀-ni: «Ni yaa nóó binib bin bimbim kaa ŋān̄ee, see ni mun ń dāá bīil̀.»

Unimbɔti ŋanti pu ní m sá kun m sá díǹ nee. Tiŋan tin u ŋá-mee cáá mpɔn ki yāntì m túń ditundi ki jítiǹ akpambal ŋin kíǹee. An kaa sá man m-ba di túń an tuuŋŋi, an sá Unimbɔti ŋanti tin bí m-nee di túń ditundi gbanti.

«Too, ŋkúm, a-jajil bí la? Too, ŋkúm, a-looti bí la?» Ŋkúm looti di sá ikpiti, ní ikpiti pɔŋŋu sá mara.

M làá tùkù-ni tibɔti tin nìn bí dibalinee: di sá yii ti-kɔkɔ kaa làá dāá kpú, ama ti-kɔkɔ wunti di làá dāá kpántí. Dikantánjoolkaal yaa láa búńee, niin niin dicilpu kii dinimbil nín pée kábití puee, bitaŋkpiibi kpáàa fīkitì nì tiwun tin kaa ti kúùyee, ní timbi bin kíǹ kaa kpíìyee wunti ń cúú kpántí.

Di sá yii unibaanti pu ní ŋkúm dī ki jéetì binib pu. Míǹ mbaantiim ní bitaŋkpiibi fìkititam tí dīń unibaanti pu kí fìkitī báà ŋma. Kii inifunaan kɔkɔ nín cáá mpèé nì Adam ki kúù puee, míǹ mbaantiim ní bin kɔkɔ ŋá ubaanti nì Kriisitooyee làá dāá ká dimaŋfal.

Di sá yii tiwun tin bíiĺee dāa kpántí tin kaa bíiĺee, míǹ ní tiwun tin kúùyee dāa kpántí tin kaa kúùyee.

Kriisitoo làá jī dibeel míǹ ní kí tin sāā ŋyunti ŋun u làá já kí pɔ̄ɔkiǹ u-nannanliibi kí dū-bi kí ŋá u-taaŋi taapuee. U-nannanliu un u làá kúntí katanjooliiyee di sá ŋkúm.