Popular Bible Verses from 1 Corinthiens 12

Share

Unimbɔti Fam tìì binib dipɔl ní bi tūǹ atuun an tútúǹ báà ŋma.

Ni-kɔkɔ sá Kriisitoo wunti ní, ní ni-kansikin báà ŋma sá tiwun jandi diba.

Falaa yaa cúú dijandi dibee, an cúú ki kpáaǹ ajan kɔkɔ dee. Bi yaa tí bíi pàkà dijandi dibee, ŋin kɔkɔ kíǹee fàal̀ ní.

Unimbɔti Fam pūǹ ubɔ iciin ú sòoǹ tibɔti, míǹ mbaantiim ní mì tí pūǹ ubɔ mun dinyil ú sòoǹ tibɔti. Unimbɔti Famee mbaantiim di pūǹ ubɔ fookii, ní ki pūǹ ubɔ mun ú nīn ŋūǹ ki cāantí iween. Unimbɔti Fam pūǹ ubɔ mpɔn ú nīn ŋáań maamaacib, ní kí pɔ̄ ubɔ mun ú nīn nàatī Unimbɔti nyɔɔbundi, kí pɔ̄ ubɔ mun ú nīn nyí kí gàntī Unimbɔti Fam tundi nì arasiniibi tuuŋŋi, ní kí pɔ̄ ubɔ ní úǹ sòoǹ isooncaan kupaau, ní kí pɔ̄ ubɔ ní úǹ ń gbìl̄ isooncaan taapu kí nàatī.

Unimbɔti Fam mbaantiimee di tūǹ an tuuŋŋi kɔkɔ. Mì nín lēē miŋyee ní mì yàkatī mi-pɔl ki tìì báà ŋma.

án nín làá ŋá pu digàntil ń taa nín̄ bí tiwun jaŋŋi kansikin ŋi-kɔkɔ ń nīn sūǹ tɔb puee.

Unimbɔti Fam nín pūǹ dipɔl diŋyee bí u-ba u-ba, ama Unimbɔti Fam mbaantiimee di tìì míǹ. Ní báà ŋma tundi nyēē di-ba di-ba, ama ní ti-kɔkɔ tūǹ ki tìì ti-Dindaan ubaanti. Ní báà ŋma cáá min ní u tūǹ u-tundee, ama Unimbɔtibaanti di yàntī ti-kɔkɔ ŋūǹ ki ŋáań míǹ.

Míǹ ní Unimbɔti péé péé ki kāaǹ akpambal Kriisitoo nikitil kansikin, nliliitiimee, Unimbɔti bɔnaatiliibi, ntataatiimee, bidakaliibi, boonee ní u dū bin kíǹee ki páaǹ. U pú biba bí nīn ŋáań maamaacib, ki pú biba bí nīn cāantí bibunliibi, ní ki tīī biba ŋŋmam bí nīn tútúǹ binib, ní ki pú biba bí nīn kpòotī binib, ní ki pú biba bí nīn sòoǹ isooncaan kupaau.

Tiwun kaa sá mbaantiim, an yākatì ajan kupaau ní.

Unil wunti jaŋŋi ŋin bi kpèé yii ŋaa pɔ̄ɔ̄yee, ŋíǹ di nín kèetī.

Tiwun kɔkɔ yaa sá dinimbilee, tì bàà ŋáań mana kí nīn gbìl̀? Àá tiwun kɔkɔ yaa bàà sá ditafalee, mana ní tì bàà ŋáań kí nīn gbìl̀ nsɔnsɔfi? Ama min Unimbɔti lèe ní u kāaǹ tiwun jaŋŋi tiwun pu. Ajan kɔkɔ yaa dūu ŋá dijambaantiilee, tiwun kaa bàà bí deeyaa!