Popular Bible Verses from Philippians 2

Share

Ya bo'on hay pumhodanyuy nomnomnomonyu, ya bo'on hay pange'gonan di tataguy gamgamonyu. Mu hay maphod hi atonyu ya mumpa'ampa ayun hay nomnomonyun amin ya iyod'odolnayuy udum an tatagu ya un da'yu. Ya nomnomonyuy pumhodan di i'ibbayun tagu ta bo'on hay pumhodanyu ya anggay.

Hay pangiyunnudan tu'u ya nan pangat Jesu Kristu

ti ta"on un Dios tuwali ya mi'id hi nomnomna nan pangiluludanan munnonong eden abalinanan mun'ap'apu. Mu Hiya ya din'ugnan amin heden biyangna ta numbalin hi tagun umat ay ditu'u, at imbilangna goh di odolnah baal. Ya impa'ampanay odolna ta inunudnay penhod Apo Dios an ma'at ay Hiya an ta"on hi un ababain di natayanah nan krus!

ti hi Apo Dios di mamadang ay da'yu ta idatnay abalinanyu ya pamhodyun mangat hi pohdona.

At hiyaat un impabagtun Apo Dios Hiya ta na'abbagbagtu, ya indatna goh di na'abbagbagtuh haadna ya un nan udumna ta wa ay ta ngappundanday ngadana ya mumpunhippidan amin nan wad abuniyan, ya nan wah tun luta, ya nan wad dolom ta ipa'inniladan na'abbagbagtuh Jesus. Ya ta"on hi un numbino'ob'on di hapitda mu ibaagdan amin an hi Jesu Kristuy Apun an amin di logom ta mipabagbagtuh Apo Dios an hi Ama tu'u.

At an amin di atonyu ya adi ayu munlili, ya adi ayu mi'hongngel ta mi'id di pumbaholanyu, ya mi'id di apahpahalanyu ta da'yuy attigan di ma'ali tuwalih imbabaluy Apo Dios ta ay ayu bittuan an dumilag ti numbino'ob'on di pangatyuh nan nun'appuhiy ugalidan tatagun nibahhaw di punnomnomda.

At da'yun i'ibba ya inunu'unudyuy inali' hidin wada' ay da'yu, at namamad ugwan an ten nibataana' ay da'yu ta hahalimidonyun unudon. Ya ihamadyun mangunud ay Apo Dios ta punnonngonyun mangipa'annung hinan abaliwanyu