Popular Bible Verses from Ezekiel 37

Share

At inalina goh di, “Ibagam ay daten tungal ta donglonda tun ibaga' an Dios. Ti Ha"in an na'abbagbagtun Dios ya pahodohdao' dida ta tumaguda.

At lumuwo' di ulat, ya lamoh, ya up'upda, ya impahodohda' dida ta tumaguda ta way panginnilaandan Ha"in di immannung an Dios.”

Ya inalinan ha"in di, “Ezekiel, undan nin mabalin an tumagu daten tungal?” Ya inali' di, “He"an na'abbagbagtun Dios ya anggay di nanginnilan ne.”

Nan Na'abuniyanan an Lennawa ya enela' an niyodol ay ha"in ta inyuya' hinan way nundotal an nido'lan di tungal. Ya initnuda' ta limmane'le'od amin den nundotal an nido'lan di awalitang an tungal.

At impa'innila' din inalinan ha"in hi ato'. Ya heden gun'u pangipa'innilaan ya dengngol'u han ahi'a'alatung, ya nun'ihu"updan nun'iyummum din tungal. Ya tinnig'un nun'almuy ulatda, ya lamohda, ya up'upda. Mu adida humodohda.