Popular Bible Verses from Yakobo 2

Share

Hat̯a faro nayo, ikitsakwenda na mahendo, ni sawa na kwamba ifwa!

D̯ubva nichokunenani ni kwamba, ruhu ikimuyawa muntu, ḅasi muntu huyo anawa nkakwaa mojo kawii, kesakufwa. Na hat̯a faro ya muntu ikitsayangwa na mahendo, nayo pia inawa dzevyo. Yani inawa kwamba ifwa!

Wandugu zangu, ina maana ga kwa muntu kunena kwamba kamuhikiza Yesu Kirist̯o na huku mahendoye ntayayange faro eyonayo? Dze, faro dzeyohiyo inamupfonyadze?

Wewe kuhikiza kwamba kuna Muungu mumodza t̯u, sivyo? Haya, gula ni sawa! Ela hat̯a mpepfo nzuka nazo, zihikiza kwamba kuna Muungu mumodza na zinakuka kuhehema na oga.

Wewe unaweza kunena kwamba, wangine wakiwa na faro ni sawa, na wangine wakiwa na mahendo mema ni sawa. Ela niyanga namuna ya muntu evyonaweza kuwa na faro pfasipfo kuwa na mahendo mema, nami nakuyanga hi faro yangu kwa haya mema niyonahenda.

Koro muntu asiyekuwa mut̯ei kwa wangine, Muungu nae nkawezi kuwa mut̯ei kwakwe nsiku ya hukumu. Na muntu mut̯ei kwa wangine, nkawezi kuwa na oga wa kuhukumigwa.

Mwakuonani d̯ubva? Muntu anahwajwa kuwa muhachi kwa mahendoye na kwa faroye pia!

Kwakuonani? Iburahimu ewa kamuserefat̯a Muungu chima cha kwamba, ewa t̯ayari kuhenda kiḍechonse cha Muungu amwambiiyecho. Ndookomu hi faroye ikamilika na haya mahendoye.