Popular Bible Verses from ÀfaꞋa 5

Share

Pità bɔ̂ bɔntu̧ ko bu e bɨ̀ɨ̀lè nê, “Ba bɔ̂ ndɨ bàa ghɨ ànəa Mbɔ̧ɔ̧mà shu la. BetsiꞋa bà ka sa àyea tò, ngɨ̀ wuê àyea wɔ̀bȩ̂.

E bùꞋu àfɨꞋa ngaa eghǎ ne mbì, bɔ me ghà àli àgème a èbem lob nɨ̧ Mbɔ̧ɔ̧mà a Jèlusalèm nè èpfəè bòt, ndàꞋà mè ntsɔ̀tà Ntu̧ Ntsɔ̧̀ nê Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

Pità bììte a Ànàniàs nê, “Ànàniàs, ghǎ ghɨ̂ ka a ghɨ̀ Satàn nyi a èntɨ̧ɨ̧ wê, tè ngɨ̀ à làꞋà mèfà̧ abua Fo Kèfə, kwat tè ndò̧ àbəèꞋ ane èkab wu bɨ fɨ̧̀ɨ̧̀nè àdziꞋa si yu nɨŋ la à? Ka è lè wu yê ka aa fɨ̧̀ɨ̧̀ne à? Mbɨ̀Ꞌɨ̀ à fɨ̧̀ɨ̧̀nè tê ndɔ̀Ꞌ la, èkab mbɔŋ à nɨ la, wu èkab wê. Ale, àghɨ yu a ghɨ̂ ka à kwàꞋte a èntɨ̧ɨ̧ wê ngɨ̀ èwuu ànəê ya la wu ghà à? À kà laꞋà àfɨte abua wɔ̀bȩ̂, à laꞋa abua Mbɔ̧ɔ̧mà.” Mbɨ̀Ꞌɨ̀ Ànàniàs è zə ànəê yaa la, tà bê ndèbe a si kwàꞋ afɨꞋa mbɔŋ mpfəè tê fi. Bòt bàgème bɔ zə àghɨa a ghɨ̀ la, e bɔ̀ɔ̂ kwàꞋ ànyaꞋne.

È wu ale, ane ayaa àfɨ̀Ꞌ yaa la, mâ shu̧u̧te awɨ̧ nê, bɨ̀ ka ngɨ̀ àghɨ ane bòt baa. Bɨ̀ sà àwɔb nkàà nê, àfàꞋ yaa bɔ fàꞋà la, è wu àghɨa wɔ̀bȩ̂ è taŋke la, ko à ka tseke a. Mbə è wu àghɨa Mbɔ̧ɔ̧mà taŋke la, ko betsiꞋa bɨ̀ ka tsokè. Bɨ me kɨ e ghɨ̌ ale, ko bɨa ye nê, bɨ wua nua a Mbɔ̧ɔ̧mà zìambɔŋ.” Gàmalìà làꞋ ale bòt èsaꞋa wu e bɨ̧ɨ̧nè nkɨ̀à yu tà ŋa abua yɔb la.