Popular Bible Verses from AROOMA 8

Share

Itwiyî atî Ngai atûmaga mantû monthe makarîka, kaingo bara bamwendeete na eetîîte kûringana na mûbango wake bateetheka.

Ndî na mma gûtirî kîo kîûmba gûtwathûrana na wendo bwa Ngai bûra aatwoniirie ndeni ya Kîrîstû Yiesû Mwathani wetû. Ti gîkuû, ti mwoyo, t'araîka, na ti mainya ma irundu. Ti mantû mara marî ku îîndî kana ma îgiita rîra rîkaaya, ti kîûmbe nwa kîrîku kîa nthîgûrû ya îgûrû kana kîa nthîgûrû îno, na ti gîntû nwa kîrîkû kîngî kîrî bionthe bira biûmbe.

Na i Kîrundu atûteethagia n'ûntû tûtirî inya na bwetû. Tûtiiyî kûromba bûra kwagîrîte. I Kîrundu atwerekanagîra kîrî Ngai agîkayaga mûkayîre ûtaûmbîka kuugîka na mîgambo.

N'ata tûûmba kuuga îgûrû rîa mantû mama? N'ûû aûmba gûtûmakia Ngai arî amwe naati?

Ûra arî ndeni ya Kîrîstû Yiesû atiigiitîrwa îgamba bûûthûûku.

Mathûgaania mara maathagwa n'inya ya mûtugo wa kîîmuntû imatûmaga muntû akua. Îndî mathûgaania mara maathagwa i Kîrundu matûmaga muntû eegua arî mwoyo na arî na ûkiri.

Îndî mantûûni mamu monthe i tiû acindi na kûraaya gûkûrûkîîra kîrî Kîrîstû ûra aatwendire.

Ndî na mma t'ûntû wana weegua itûkûnyamaara îîndî. N'ûntû kûnyamaara gûkû gûtiganaanîka na mwago ûra tûkaagwûrîrwa.

I mbi yûmba gûtwathûrana na wendo bwa Kîrîstû? I thîîna? I kînyamaara? I kûnyamaarua? I yûûra? I kwaga nguo? N'ûgwati? Kana i gîkuû? Gûtirî kîo!

Ngai ûra oonaga bûra bûrî nkorooni cietû naiyî bûra Kîrundu augaga, n'ûntû Kîrundu atûrombagîra kîrî Ngai kûringana na wendi bwa Ngai.

Bara bonthe batongoragîîrua i Kîrundu wa Ngai n'aana baake.

Bara baathagwa n'inya ya mûtugo wa kîîmuntû bathûgaanagîria meeyia. Îndî bara baathagwa i Kîrundu bathûgaanagîria mantû ma gîîkîrundu.

Ûkoona Ngai ataarega na Mwana wake aamûrutire arî kîgongwana gîetû twinthe, twa bira bingî bionthe atagîtwa ûtheri amwe na Kîrîstû.

Na i Kîrundu wooyu aaragia na irundu bietû agatwîra wabu tûrî aana ba Ngai. Na woona tûrî aana baake agatwa rûgai rwa ithaarimo bira atwaigîrîte. Bionthe bira Ngai eete Kîrîstû bigaatuîka bietû na tiû. Îndî weegua wana tiû tûkaagîa mwago ta wake, nwa mwanka tûnyamaarue ta bûra Kîrîstû aanyamaariirue.

Mathûgaania mara maathagwa n'inya ya mûtugo wa kîîmuntû matigwatanagîra na Ngai. Bara barî mathûgaania ta mamu batiendaga kwathîkîra watho bwa Ngai. Na kwaria mma, ibaremagwa kûbuathîkîra.

Bionthe bira Ngai aûmbire ibieteereete bikîendaga kwona mûno rîra Ngai akoonania bara barî aana baake.

Itwiyî wana îmunthî biûmbe bionthe bitûîre bikayaga n'ûrûrû ta mwekûrû akîgîa na mwana.