Popular Bible Verses from AROOMA 14

Share

Ûneneeni bwa Ngai, irio na biakûnyua bitirî gîtûmi. Kîra kîrî gîtûmi i wagîru, ûkiri na gîkeno, bira Kîrundu Ûmûtheru atweyaga. Ûgatûmîkîra Ngai na njîra ta înu ûkamûkenia, na bara bangî bakoona bûra ûkûrûtha n'ûntû bwega.

Rîra tûrî mwoyo, twîgagua tûrî mwoyo kîrî Mwathani, na twakua, tûkuyaga kîrî Mwathani. Nwîgue itûgaatûûra mwoyo kana itûgaakua, tûrî ba Mwathani.

Kwoogu tûgeragieni na inya mûno bûra kûûmbîka tûrûthe mantû mara mareetaga ûkiri. Na tûrûthageeni ûntû bûra bûûmba wîkîra muntû ûra ûngî wîru.

Na kwoogu tûtikaagiitagîre bara bangî îgamba. Na nwa mwanka tûkûrûkie tuuge tûtiirûtha ûntû bûûmba kwîgua bûrî kîrigîîria kîrî eetîgîri bara bangî kana bûûmba gûtûma bataratara wîtîgioni.

Kwandîkîîtwe *Maandîkooni Maatheru, “Mwathani augîîte, ‘Na mma wata bûra ntûîre mwoyo i mma muntû wonthe agaanturîria maru akûûyîîre auge ndî Ngai.’ ” Kwoogu nwa mwanka woora ûmwe wacietû akeegua arî na bwa kwîra Ngai kuumania na mara monthe akeegua arûthîîte.

Bûtikaarege ngwatanîro na bara batarî na wîtîgio bûûriku. Bûtigaakararanîrie na bo bûra bathûgaanagia i bwega kana bûra bathûgaanagia ti bwega.

Ûrîthûgaania ûrî ûû wa kûgiitîra îgamba mûruti ngûgî wa itha? N'îgûrû rîa mûnene wake kûmenya weegua i mabîtia kana ti mabîtia. Na n'îgûrû rîa mûruti ngûgî kûrûtha bûra kwagîrîte n'ûntû Mwathani akamwaa inya ya kûmwotithia.