Popular Bible Verses from KÛGWÛRÎRWA 3

Share

Na ga ngûkwîra, ndûngi mûrangooni nkîringaringaga. Ûra akeegua kayû gaakwa andugûrîre, nkaathûngîra tûrîyanîre amwe n'we.

Imbiyî bûra ngûgî îra ûrutaga îkari. Ûtirî mwanki na ûtirî mpîo. Îndî mbenda wîgua ûkari bûmwe bwa ûgu! Îndî n'ûntû woû ûrî agu gatîgatî, ûtirî mwanki kana mpîo, ingaagûtuîra nthî, uume kanyua gaakwa.

“Bara mbendeete i bo nkaanagia, nkaboonia mabîtia maao. Kwoogu endaga kûrûtha bûra kwagîrîte na wîrire.

Imbiyî bûra ngûgî îra ûrutaga îkari. Mbere yaku kûrî na mûrango ndugûrîîte, na gûtirî we aûmba gûcuinga. Imbiyî tika ûrî na inya îrî thau îndî amwe na ûgu nûûmbîîte kwathîkîra ûrutani bwakwa na ûtankaana.

“Ûra akaûmbana agaakaranîîra naani gîtîîni gîakwa kîa ûnene, ta bûra na niû ndakaranîîre na Baaba gîtîîni gîake kîa ûnene nkûûmbana.

Wîbîîraga, ‘Na mma niû ndî gîtonga, gûtirî kîo ntarî.’ Woû ka ûtaiyî ûrî ûmûthirîre, ûrî wa kwîguîrwa kîao, nkîa, ntûngi na ûrî ûtheri.

Na n'ûntû nwathîkagîra ûrutani bwakwa ûkarega gûtiga gwîtîgia, ngakûrigîîria ûtikoone kînyamaara kîra kîîyîîte nthîgûrû kûgeria antû.

Kûûya gwakwa kûrî akubî. Karaga wîrikîîtie wîtîgioni kaingo gûtagîta we atûma waga kîewa.

Ûkîîra! Riûkia kîra ûtigeerie mbere ya gîkua buru. Mboneete atî mantû mara ûkûrûtha matiri akubî na bûra Ngai wakwa eendaga kûrûthwa.