Popular Bible Verses from KÛGWÛRÎRWA 20

Share

Ûra riîtwa rîake rîtaandîkîîtwe îbukuuni rîa mwoyo aagerirwe îriani rîru rîa mwanki.

Ndoona bara baakuite, baanene na baaniini, barûngi mbere ya gîtî gîku kîa ûnene. Mabuku maagwûrua na îbuku rîa mwoyo rîagwûrua. Bara baakuîte baagiitîrwa îgamba kûringana na mantû mara woora muntû aarûthîîte, mara maandîkîîtwe mabukuuni mamu.

Baarî bonthe bara baanenkanîîrue n'îria, bara baakuîrîrîte ku, na bara Nthiko yanenkanîîrie. Bonthe baagiitîîrwe îgamba kûringana na mantû mara woora muntû aarûthîîte. Ndoona Gîkuû na Nthiko biagerwa îriani rîa mwanki. Îria rîa mwanki i rîo rîreetaga îkua rîa maîrî.

Ndacooka ndoona gîtî kîa ûnene. Kîarî gîtî kîînene, kîîyerû. Na ikwarî na ûra aagîkarîrîte. Îgûrû na nthîgûrû bitoonwa kaîrî.

Mîanka înu ngiri îmwe yathira, Saitaani akaatharua aume gûku aingîrîtwe, athi nteere cionthe cia nthîgûrû eeneerie antû ba mîgongo yonthe, amîîthîranie amwe n'ûntû bwa ndûa. Ûkeegua barî antû baingî mûno ta mûthanga wa îria. I bo antû ba Ngoogu na Maagoogu.