Popular Bible Verses from KÛGWÛRÎRWA 11

Share

Mûraîka wa mûgwanja aaringa karumbeeta gaake. Akûringa, ndeegua tûyû twagondoka gûku îgûrû, twauga, “Wathani bwa nthîgûrû îîndî i bwa Mwathani wetû na Kîrîstû mûthuure wake. Akaathana tene na tene.”

Antû ba nthîgûrû ibarathûûri i woû, îndî îîndî nûbooneetie bûra mûthûûro waku ûgana. Îîndî îgiita rîgûkinya rîa kûgiitîra bara bakuû îgamba. Îîndî n'îgiita rîa kwaa aruti ngûgî baaku biewa, ta bo iroria. Na ûkaa biewa kinya antû baaku, ta bo bara bagûtîîyaga, baanene na baaniini. Îgiita rîgûkinya rîa kwînyangia bara beenyangagia nthîgûrû!”

Na îgiitaani rîru nkaa akûûyî baakwa inya barî baîrî barorie ntugû ngiri îmwe na magana maîrî ma mîrongo îthanthatû (1,260), beekîrîte maguo matarî meega kwonania kîeba.”

Îndî ntugû inu ithatû na nucu ikûthira, Ngai aabuîrîîra akûûyî babu mîruke ya mwoyo. Akûbabuîrîîra, iroria bibu biarûngama. Bara baaboonire baamaka mûno.

Îgiitaani rîao rîa ûroria, akûûyî babu baîrî barî na inya ya kûrigîîria îgûrû rîtaurithie mbûra. Barî na inya ya kûgarûra ndûyî igatuîka nthakame na ya kûreeta mûthemba unthe wa inyamaara nthîgûrû, maita wamara bakeenda.

Akûûyî babu i mîceituuni îîrî kana taa ciîrî ira ndoonaga irî agu mbere ya Mwathani wa nthîgûrû. Anthû baao bakageria kûbathûûkia, mwanki uuma tûnyua twa akûûyî babu ûkaûraga anthû babu. Ûgu i bu anthû baao bakaûragangwa baageria kûbathûûkia.