Popular Bible Verses from APIRIPI 1

Share

Ngûgî îra Ngai aanjîîrie ndeni yenu i ngûgî îmbega. Na ndî na mma Ngai akaathi na mbere n'yo mwanka îthire, rîra Kîrîstû agaacooka.

Îromba rîakwa rîra nkûbûrombera i rîrî, atî wendo bwenu bûthi na mbere kwingîa, bwîgue bûrî na ûmenyo bunthe, na bûmenye kûthuura bûrûthage mantû mara meega kîrî monthe. Rîru i rîo bûgaatuîka antû baatheru, na batarî na mabîtia mwanka rîra Kîrîstû agaacooka.

Weegua ngaatûûra mwoyo ngatûûrîra Kîrîstû. Naka na ngakua nwa baita.

Magiita monthe rîra mbûririkanaga incookagîria Ngai wakwa nkaatho.

Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

Ndî na wîrîgîîro bûûnene mûno atî, kîrî bûra bunthe ndûthaga, gûtirî rîo nkaarûtha ûntû bwa kûmbîkîra nthoni. Na ûgu i bu nkaraga mbîrîgîîrîîte. Wîrîgîîro bwakwa n'atî, ngaakaraga na ûcamba bwingî mûno îîndî na magiita monthe, mbonanagie na mantû mara ndûthaga bûra Kîrîstû arî ûmûnene, nwîgue ingaatûûra mwoyo kana inkaûragwa.

Ngai atibûthaarimîîte na kaanya ga gwîtîgia Kîrîstû gonka. Abûthaarimîîte kinya na kaanya ga kûnyamaarua n'ûntû bwa Kîrîstû.