Popular Bible Verses from NJAKUBU 3

Share

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

N'ûû wacienu arî na ûûme na ûmenyo? Weegua kûrî we noonanie na mûtûûrîre wake ûmwega na mantû meega mara arûthaga arî na kwinyithia kuumania na ûûme bûra arî.

Ûra eendeete ûkiri aandaga na ûkiri agaketha wagîru.

Bantû onthe antû barî na rûriitho na kwenda kûgîta nkûrûki ya bara bangî, bantû agu gûtiûraga gîtuma na ûthûûku bwa mîthemba yonthe.

Rûrîmî warûra tûkumagia na ru Mwathani Baaba wetû nwa ru tûrîrîkaga na ru bara bangî, antû Ngai aûmbîîte barî ngerekano yake. Atî kanyua wakamwe nwa ko kaumaga mîgambo ya nkaatho na ya kûrîrîkana. Aruayia na aarayia, ûûgû ti bu kûbatîîrue kwîgua gûkari.

Na kaîrî rûrîmî rûkari ta mwanki. Rûgwataga mwanki wa îcamaarîro rûgatambia ûthûûku rûgateereera mwîrî wa muntû unthe na rûkeenyangia ûtûûro bwake bunthe.

Îndî rûrîmî, gûtirî muntû aûmba kûrûrutana rûmwathîkîra. Ru n'ûthûûku bûtaathîka na rûrî ûrogi bûûî.

Aruayia na aarayia, baingî beenu bûtikeerirîîrie gûtuîka arutani ba kiugo kîa Ngai, n'ûntû ibwiyî tiû bara tûrutanaga bara bangî kîo îgamba rîetû ûkeegua rîrî rîûmo nkûrûki ya bara bangî.