Popular Bible Verses from AIBIRANIA 9

Share

i ta bu Kîrîstû aakuire rîmwe arî kîgongwana gîa kûthiria meeyia ma antû baingî. Na akaaya rîa maîrî, îndî tika akeegua aayîîte kwîruta n'ûntû bwa meeyia. Akeegua areeterete bara bamweteereete wonokio.

Îndî nthakame ya Kîrîstû yo nîrûthaga manene nkûrûki ya ûgu! Kwa inya ya Kîrundu ûra atûûraga tene na tene, Kîrîstû neerutire arî kîgongwana kîra kîagîrîte kîrî Ngai. Nthakame yake îgatûtheria nkoro kuumania na mantû mara tûrûthaga mara maûmba gûtûma tûkua, i kaingo bûtûmîkîra Ngai ûra atûûraga mwoyo.

Ta bûra muntû wonthe agaakua rîmwe, na nyuma ya gûkua agiitîrwe îgamba

Kûringana na watho bwa Musa, akubî kîra gîntû gîatuîkithagua kîîtheru na njîra ya kûmincîrua nthakame. Na antû batikîrekerwa meeyia maao nthakame îteetûûrîîtwe.

Gîku i kîo gîtûmi kîra gîtûmîîte Kîrîstû eegua arî mwîguithania wa antû na Ngai kîrîîkanîrooni kîîyerû. Aakuire kaingo athaûra bara baunîîte maathana ma kîrîîkanîro kîa mbere, na kaingo bara beetîîtwe i Ngai beewa rûgai rwa tene na tene kûringana na wîrane bwa Ngai.