Popular Bible Verses from AKOROSAI 1

Share

Naatûrutire inyaani ya ûra aathanaga mwinduuni atwira ûneneeni bwa Mwana wake ûra eendeete mûno.

Into bionthe bia îgûrû na bia nthîgûrû biaûmbirwe n'we. Bira bionagwa na bira bitoonagwa, anene, aathani, atongoria, na bara barî na watho baûmbirwe n'we. Into bionthe biaûmbirwe gûkûrûkîîra kîrî we na birî oogo n'ûntû bwake.

Kîrîstû nwa aarî oogo wana mbere ya into biûmbwa na n'we abitûîrie bionthe.

Kîrîstû atuatîîtie Ngai ûra atooneka na meetho, na i mûnene mûno kîrî biûmbe bionthe.

N'ûntû bwa ûgu, tûkwîgua mantû meenu wana tiû itûbûrombagîra rîonthe. Tûrombaga Ngai atûme bûmenye bunthe bûra eendaga. Na itûmûûragia abwe ûûme bunthe na atûme bûmenye mantû ma gîîkîrundu. Rîru mûtûûrîre wenu ûkeegua ûkîonania bûrî antû ba Mwathani na bûkamûkenagia na njîra cionthe. Bûkaathi na mbere kûrûtha mantû meega ma mîthemba yonthe na bûkeerutana kûmenya Ngai nkûrûki.