Popular Bible Verses from 2 AKORINTHO 4

Share

Tûtitindanagîra na bira bionekanaga na meetho. Bira bitoonekanaga na meetho i bio birî bia gîtûmi. Bira twonaga na meetho bitikarakarangaga, îndî bira tûtaûmba kwona na meetho i bia tene na tene.

N'ûntû bwa gîtûmi gîku, i ntûma tûtakuyaga nkoro. Mwîrî nûkûraga îndî kîrundu kîra kîrî ndeni yetû ikîanakaga wakîra ntugû. Tûthîîna tûra tûrî na tu i tûniini, na i twa kagiita gaakai. I tûthîîna twa gûtûthuuranîra tûthi mwagooni wa tene na tene ûra tûtaganaania na tu n'ûntû ûkeegua ûrî mwago ûmûnene mûno.

Twonaga mathîîna rîonthe îndî matitûthontoragia. Magiita mamwe i tûthîînaga mûno mwanka tûkaaga bwa kûrûtha. Îndî amwe noogu wîrîgîîro bwetû bûtithiraga. I tûnyamaaragua îndî gûtirî rîo Ngai atûtiganagîria. I tûtonyangagwa îndî tûtithiraga.

Îndî tiû bara tûrî na ûtonga bûbû bwa gîîkîrundu tûkari ta nyûngû ciîkîrîtwe bu. Kwoogu i ta kwonania inya înu nene ûgu n'ya kuuma kîrî Ngai t'ya kuuma kîrî tiû.

Bara bateetîgagia batuîkithîîtue ntûngi i ngai ûra aathanaga nthîgûrû, ta we Nkoma. Atûmîîte barega kwona werû bwa ntheto îmbega îgûrû rîa mwago wa Kîrîstû, ûra arî mûbuanaano wa Ngai.

Ngai ûra augire werû bûtharare mwinduuni natûmîîte kaîrî werû bwake bwatharara nkorooni cietû na njîra ya gûtûmenyithia mwago wake ûra tûgwûrîrîtwe ûthiûni bwa Yiesû Kîrîstû.