Popular Bible Verses from 2 AKORINTHO 12

Share

Îndî n'we aambîîrire, “Ûtugi bwakwa kîrî woû ibûgûkûgana n'ûntû rîra muntû atarî na inya ya kûrûtha ûntû i rîo inya yakwa îrî nene.” Kwoogu inkwîgua nkeneete mûno na ngeekumîria mantû mara ntarî na inya ya kûmarûtha kaingo inya ya Kîrîstû îruta ngûgî naani.

Na n'ûntû bwa ûgu ndî ûmûganîre i kwîgua ntarî na inya, kana ndarumwa, kana ndoona mathîîna ma mîthemba yonthe, kana ndanyamaarua n'ûntû bwa Kîrîstû. Rîra ntarî na inya ningwa ya kûrûtha ûntû i rîo ndî na inya kuuma kîrî Ngai.

Îndî wana nkeenda gwîkumia ntiîgua ndî kîaa n'ûntû wîgua nkîaria ûmma, îndî ntiîkumia. Ntikwenda antû banthûkia mûkûûrani na bûra bakwona nkîrûtha na bûra bakwîgua nkiuga. Na kaingo nteekumia n'ûntû bwa kûgwûrîrwa mantû maanene mara ndagwûrîîrwe, Ngai naatûmire mbona thîîna îkarî ta mwîgua ûrî mwîrî. Thîîna înu yaumaniirie na Saitaani. N'we amîandîîte înnyamaaria kaingo ntaûyûrwa i wîkumia.