Popular Bible Verses from 2 AKORINTHO 1

Share

Ga tûkumieni Ngai Îthe wa Mwathani wetû Yiesû Kîrîstû. We i Baaba ûra atwîgagua kîao na i Ngai ûra atweyaga kûûmîîria kûûnene. Atûûmagîîria mathîînaani meetû monthe kaingo naati tûûmîîria bara barî na mathîîna ma mîthemba yonthe na kûûmîîria kûra tiû Ngai atwete.

Wata bûra tûnyamaaragua mûno n'ûntû bwa Kîrîstû nwa ta bu tweyagwa kûûmîîria kûûnene mûno n'ûntû bwa Kîrîstû.

Nkorooni cietû itweegagua tûgaakua îgamba rîetû i rîîgiite. Îndî mantû mama maatuîkîkire kaingo wîtîgio bwetû bûteegua bûrî kîrî inya yetû twingwa, îndî i kîrî Ngai ûra aûmba kûriûkia muntû ûmûkuû.

I Ngai atûmaga tûrika wîtîgioni bwetû kîrî Kîrîstû. I Ngai aatûthuurire tûtuîka antû ba mwanya kîrî we. N'we aatwîkîîre rwano rwake rwa kwonania tûrî baake na atwa Kîrundu nkorooni cietû arî mûkûûyî wa mma wa mantû monthe mara atwetwe wîrane bwa mo.

Twathîînua, kûthîînua gwetû gûgaatûma bûûmîîria na bûteetheka. Twaûmîîrua, kûûmîîrua gwetû gûgaatûma bûûmîîria. Na kwoogu nwa bwote kûûmîîria kûnyamaaruani ta kûra tûnyamaaragua.