Popular Bible Verses from 1 TIMOTHEO 6

Share

Rûa ndûa îmbega ya wîtîgio bûra inya yaku yonthe îgana kaingo wîcindîra kîewa kîa mwoyo wa tene na tene ûra Ngai aagwîtîîre rîra waumbûrire wîtîgio bwaku bwega mbere ya akûûyî baingî.

Kwenda mbia mûno i ku kuumaga mantû maathûûku monthe. Antû bamwe bagîcûa mbia ibaumîîte wîtîgioni, beenogia nkoro na kîeba kiingî mûno.

Ûngai bûrî baita mûno muntû akîganagîrwa n'into bira arî na bio.

Gûtirî kîo twaya na kîo nthîgûrû na gûtirî kîo tûûmba kuuma na kîo gûkû.

Îkaania itonga bia into bia nthîgûrû îno ûbiîre bitigeekumie. Biîre bitikaige wîrîgîîro ûtongaani, n'ûntû tûtiîgwatia ûtonga. Wîrîgîîro bwa bio ibwîgue bûrî kîrî Ngai n'ûntû n'we atweyaga into bionthe na nkoro îmbega, kaingo tûbitûmîra bitûkenia.

Îndî antû bara beendaga gûtonga bagwîyaga magerioni bakagwatwa i mûtego wa wîrirîîria bwingî mûno bwa waa na bwa wînyangia bûra bûbakuuyagia mwanka mûthiani bakathirua kûrû.

Îra itonga birûthage mantû meega, bituîke itonga bia mantû meega. Bitigakûûne na ibiîgue birî na wîru bwa kwenda gûtûmagîra na antû bara bangî into bira birî na bio. Bikarûtha ûgu i rîo biûmba kwîbaigîra kîgîîna kîîganu kîa mûcingi ûmûriku wa ûtûûro bûra bûkaaya. Na i rîo biûmba gwîcindîra ûtûûro bûra bûrî bwa mma.