Popular Bible Verses from 1 ATHESARONIKE 5

Share

Kenagaani magiita monthe. Bûtigaatige kûromba. Cookagîriani Ngai nkaatho mantûûni monthe, n'ûntû ûgu i bu eendaga bara barî ba Kîrîstû Yiesû barûtha.

Itûkûromba Ngai ûra atweyaga ûkiri abûtuîkithie baatheru na njîra cionthe. Itûkûromba atûme nkoro cienu na mîîrî yenu îkarage îtarî na mabîtia, mwanka rîra Mwathani wetû Yiesû Kîrîstû agaacooka. Ngai ûra abwîtîîte i mwîtîgua. Na kwoogu akaarûtha ûgu.

Îmenyeereeni bûtikaarîithie ûthûûku na ûthûûku. Rîonthe cûûgagiani kûrûthîra bara barî bacienu na bara batarî bacienu mantû meega.

Kwoogu wata ûgu bûkûrûtha, îkanagîraani wîru na teethanagiani.

Na kaîrî, aruayia na aarayia, tûrîbwîra tûkîbûkinyagîîria atî, bûkaanagie bara barî athao. Îkagîraani wîru bara barî na ûguaya na teethagiani bara bakûremeerwa. Bûtikaathûûrangage n'antû na mpwî.

Na ririkanaani Ngai ataatûthuura atwonia mûthûûro wake. Aatûthuurire atwonokia gûkûrûkîîra kîrî Mwathani wetû Yiesû Kîrîstû.

Biû bwinthe bûrî aana ba werû, aana ba mûthenya. Tûtirî ba ûtugû kana ba mwindu.