Popular Bible Verses from 1 NJOANA 2

Share

Bûtikeende nthîgûrû kana into bia yo n'ûntû muntû ûra eendeete nthîgûrû atiendeete Baaba. Mantû monthe ma nthîgûrû mara antû beeriragîîria, mara antû boonaga bakameenda, na into bionthe bia nthîgûrû bira antû beekumagîria, gûtirî kîo kiumîîte kîrî Baaba. Bionthe i bia nthîgûrû.

Nthîgûrû na mantû ma yo mara antû beendaga makaathira, îndî ûra arûthaga bûra Ngai eendaga agaatûûra tene na tene.

Muntû ûra augaga arî na ngwatanîro na Mwathani nwa mwanka mîtugo yake îkare ta bûra ya Yiesû Kîrîstû yakari.

Aana baakwa, mbwandîkîrîte baarûa îno kaingo bûtikaaye kwîyia, îndî ûra akeeyia namenye tûrî na ûra atwaragîîria kîrî Ngai, ta we Yiesû Kîrîstû ûra mwagîru.

Muntû akaaya kuuga, “Niû imwiyî,” îndî atakwathîkîra maathana maake, ûyu i mûûrongo na ûmma bûtirî ndeni yake.

Ûkaaya kwîgua tûkaathîkîra maathana maake i rîo tûkaamenya wabu itûmwiyî.

Muntû ûra augaga arî werûûni na atiendeete mwîtîgîri ûra ûngî, ûyu i mwinduuni arî kinya îîndî.

Îîndî rî, mûûrongo n'ûû? N'ûra augaga Yiesû t'we Kîrîstû. Ûyû n'we mûregi Kîrîstû ûra aregaga Ngai Baaba na Mwana wake.

Ûra aregeete Mwana naregeete Îthe. Ûra eetîgagîra Mwana arî na ngwanatîro na Îthe.